المساعد الشخصي الرقمي


مشاهدة النسخة كاملة : معلومات مهمه لكي لاينصب عليك موظفي البنك



مازن الحربي
23-07-2010, 04: PM
كم مرة رحت للبنك عشان تفتح حساب ، وقال لك الموظف / ما أقدر افتح لك حساب إلا لازم تحط مبلغ معين ؟! بعض الموظفين يقولك 10 الاف وبعضهم يقولك خمسة الآف وبعضهم الف وبعضهم يقولك أي مبلغ تقدر عليه ..!!

خذ النصيحة هذي مني ..
إذا قالك الموظف مثل ذا الكلام .. أضحك في وجه .. وخذ الامر ببساطة ، وقل له .. ممكن اعرف اسمك .. إذا كان مو حاط اسمه ، والا فالمفترض يكون الموظف اسمه مكتوب او حاط بطاقة على صدره فيها معلوماته .

إذا قال ليه ؟!
قل بس ابغاه ، وإذا انت ما تبغى تقول لي اسمك .. برضوا أنت حر .. وبرضوا ابتسم في وجهه ..!! عادة اذا طلبت اسمه يعرف الموظف انك راح تشتكيه وراح يتدارك الموضوع وراح يقولك اوكي .. راح يصرف الموضوع بأي طريقة وراح يفتح لك بأي طريقة بدون اي مبلغ .

إذا مسكت مع الموظف عناد وبدأ يسوق عليك العبط ... وأصر على المبلغ لفتح الحساب ..

أطلع لمدير الفرع ، وبلغه باللي حصل من الموظف ، وقله بكل بساطة انا جاي افتح حساب والموظف طلب مني مبلغ عشان افتح الحساب ..!!

وشف المدير .. وش راح يسوي في الموظف ..!!

بس لحظة ..؟!
ممكن يكون المدير صديق للموظف ولا يبغى يحرجه وممكن يتعاون مع الموظف .؟!
اذا وقف المدير مع الموظف ... برضوا اضحك .. وابتسم ... وخذ الامور ببساطة ...!!
لكن قبل ما تطلع من مكتب المدير قل ذا الجملة .. وشف كيف تكون ردة فعل المديرhttp://imagecache.te3p.com/imgcache/3cf0373baccbfc3e48e63210b48a5e87.gif
قل له / اوكي ، إذا انتم مصرين على أني افتح حساب ولازم احط مبلغ ..
انا راح اتصل الآن على إدارة البنك ، وراح أكلم مؤسسة النقد .. بالكلام اللي قلته لي أنت و موظفك ...
وقتها ... شف مدير الفرع وش راح يسوي ..!!
راح يتغير لون وجهه ... ويختبص ... ويرتبك ... وراح يترجاك ان الموضوع ما يكبر ...!! لأن مدير الفرع اكثر واحد يعرف وش معنى العميل يشتكي على ذا الموضوع ( بالذات ) وهو موضوع فتح العميل لحساب ب مبلغ مالي ..!!

النظام يقول ، واللي موظفين البنك واحد واحد يعرفونه ، وهو من ( ابجديات العمل المصرفي ) ...
إن ( شروط فتح الحساب للسعوديين البالغين : هي البطاقة الشخصية فقط لا غير، و يمنع منعاً باتاً طلب أي مبالغ مادية من العميل إذا اراد فتح حساب ) .
اذا اشتكي العميل لمؤسسة النقد ، ممكن يغرم البنك بمبلغ كبير ، وإذا اشتكى العميل لإدارة البنك عن طريق الرقم المجاني شكاوى العملاء ، راح تلعن الإدارة ابو خامس مدير الفرع والموظف ، والموضوع ابداً مافيه اي تساهل من اي ادارة بنك . لكن اكثر الناس ... ما يعرفون .


...........................

2

إذا رحت تلغي الفيزا ..
لا تكتفي بـــ الإجراء اللي يسويه الموظف .... وهي انه يأخذ البطاقة ويقصها او يخرمها قدامك ... وتوقع على نموذج الغاء البطاقة ...
بل .. يجب أن تطلب ( مخالصة نهائية ) من البنك ..
وهذي عادة تتأخر شوي لأنها تصدر من ( إدارة البنك ) مش من ( الفرع ) ... لكن مو مشكلة ..
لأنها في احيان كثيرة ... النموذج هذا اللي تعبية في ( الفرع ) ، غير كاف لإلغاء البطاقة ، وراح تكتشف بعد شهور إن البطاقة لازالت محسوبة عليك .. ويمكن يصدرون لك بطاقة جديدة ( مجددة ) بدون علمك ..!!
المخالصةتضمن عدم احتساب أي مبالغ على البطاقة وتضمن عدم تجديد البنك للبطاقة .


................

3

البرامج اللي تقدمها بعض البنوك ..
برامج ... للزواج .. برامج للابناء ... برامج أدخارية ومستقبليه و ما ادري إيش .. !!!
مهما حاول الموظف انه يقنعك فيها ... طنش ...!!
كلام فاضي ... والفائدة من ورائها ... شبه معدومة .. إن ما خسرت فيها .. ما راح يجيك الا راس مالك ... وإذا جاك ربح .. فهذا الربح .. مايسوى .. انك تتعلق مع البنك ... لسنوات وهم يخصمون من راتبك ..!! العملية كلها ببساطة ( هي ربط العميل مع رقبته ليكون اسير للبنك ( عملية تسويقيه بحته ) ،والفائدة الكبرى للبنك .
لكن الموظف مجبور انه يسوقها عليك كعميل ... لأنها محسوبة عليه ، فالتقييم الربع سنوي للموظف واللي ممكن تساعده في الترقية غير البونس ... فيه جزء كبير منه العمليات التسويقية اللي يقوم فيها الموظف ..!!!
إذا ما حقق الأهداف المطلوبة منه .. مثل تسويق هالبرامج او بطاقات الائتمان او القروض الشخصية ..او العقارية ... راح ينعدم في التقييم .. وبالتالي يأثر هالشيء على ترقياته ... وهذي من لعانة ادارة البنك اللي تجبر الموظفين على الكذب على العملاء وتزيين هالبرامج الخربوطية وزحلقتها على العملاء

مع تمنياتي للجميع بالتوفيق

مسلماني
23-07-2010, 08: PM
هذي الامور عندنا بس وانا متاكد انهم كلهم نصابين
حتى لورحت لمؤسسة النقد بتلاقي نصاب كبير
يدعم كل النصابين الي بتشتكيهم وهذي مافيا يصعب الخلاص منها
بسبب فساد الذمم وغياب الرقابة والعقاب
والافضل البعد عن هذي الامور حتى ولو قال البنك انه اسلامي
فكل البنوك زي بعض ومافيه فرق الا في طريقة لنصب
بعضم يستخدم الابهار وبعضهم يستخدم الدين وهذول الاخطر

قــلــم الــرصــــاص
23-07-2010, 10: PM
بنك الراجحي ياخذ75 ريال عند فتح الحساب وتقول اشتكي جميع فروع الراجحي تاخذ هذا المبلغ واذا فقد بطاقتك ايضاً تاخذ 75 ريال وتخصم 5 ريال كل شهر من حسابك اذا رصيدك اقل من 1000 ريال هذا للي غير عملاء البنك اي الذين رواتبهم محولة على بنوك اخرى بس فاتح في الراجي لاجل تحويل وتسديد وغيراها كل هذا ومؤسسة النقد ماعندها علم صارت الشغلة كلها نصب في نصب

لك كل الشكر اخوك قـــلــم الــــرصـــاص

الكاسر
24-07-2010, 12: AM
شـكــ وبارك الله فيك ـــرا لك ... لك مني أجمل تحية .

مَـلآك إْلـرُوح
24-07-2010, 01: AM
بارك الله فيك ومشكور على النصح
ينقل منتدى المال والاعمال

وطني شموس
24-07-2010, 06: AM
http://desk.blueidea.com/qtzy/gif/gif_icon/153.gif

يَعْطٍيْكـْ اَلْفْ عَآآآفٍيَهْ عَ اْلطَرْحْ


مًآ نَنْحْرمْ مٍنْ جٍدِيْــــــدِكـْ


http://desk.blueidea.com/qtzy/gif/gif_icon/153.gif

ليالي
24-07-2010, 07: PM
يا خساره مدري كيف يفكرون
معقول مايعرفون ان فيه حساب يوم القيامه

البرضاوي
24-07-2010, 08: PM
نعم العمليه فيها نصب واحتيال واعتق ان الكثير يدرك ذلك
وللاسف اننا نرى ملصقات عند الصرافات وفي اماكن اخرى تنصب وتحتال عيني عينك
ونسمع ونشاهد التحذير من هاولاء عبر مؤسسة النقد وكذلك من البنوك ولكن لم نسمع انه تم محاسبة هذه المافيا والتشهير بهم بل الامر امتد الى الاعلانات في الجرائد اليوميه انظرالى الجريده الرياضيه قسم الاعلانات وتشوف العجب وكذلك الاقتصاديه وغيرها من الصحف ويقولون نحن نحذر اي تحذير هذا وكيف يسمح لهم بمثل هذه الاعلانات في جرائد وصحف تابعه لمؤسسات معروفه والمسئولين لم يحركوا ساكن
وللاسف ان مثل هذه الملصقات الدعائيه للنصب والاحتيال من قبل موظفين لدى بنك الراجحي ولم يتم متابعتهم ومعاقبته مثل هاولاء والتشهير بهم حتى يكونوا عبره لغيره..