المساعد الشخصي الرقمي


مشاهدة النسخة كاملة : جديد الشاعر الكبير ( جزا صالح الحربي ) ابو نايف الغتر



قــلــم الــرصــــاص
17-01-2011, 12: AM
جديد الشاعر الكبير ( جزا صالح الحربي )

قصيدة للشاعر الكبير
جزا صالح الحربي
يمتدح فيها بني علي من مسروح من حرب ومحمد الغتر المذكور
في هذه القصيدة هوابوضيفنا القدير والعزيز نايف الغتر
الذي تشرفنا بزيارته لديارنا ولاكن لم يحالفنا الحظ بمقابلته ولاكن الجايت احلى
واجمل باذن الله
واليكم القصيدة


حــي الله الـلـي مواقفـهـم تشرفـنـي = قامـوا معـي بالكويـت وبالسعـوديـه
رجال ٍ على ما جـرى ليّـه تناصفنـي = بالطيب والمجـد والحاجـات مقضيّـه
بالمال والحـال والفزعـات تسعفنـي = حتى تشافيـت عقـب جروحـي النيـه
يـــوم ان كـــلٍ يـصــد ولا يسـلـفـنـي = والشرهه اللي من الخـلان منسيـه
ويقـول مالـه مـعـاش ولا يخلصـنـي = يـعـل مـالـه مــع الاجــواد شرعـيـه
بعض القرايـب تقـل ماكـن يعرفنـي = نسـى الجمايـل ورد الفعـل عكسـيـه
وقامت رجال ٍعلى الفزعات تتحفني = قومـت دهيمـات والفزعـات حربـيـه
مـبـحـل بـــدا بالـمـكـارم ماتزلـفـنـي = وخلف ولد مبحل الضرغـام مركيـه
والله والله لـــــو انــــــك مـحـلـفـنــي = لاقــول مـحـد ٍسبقـهـم بالـفـزع لـيـه
ومحمـد الغتـر مـع ربـعـه يرافقـنـي = عليهـم البيـض والحسنـات مضفيـه
لو قيل منهم لاقول العيـن والجفنـي = ربعي حزامـي هـل الوقفـات بالهيـه
هـم الدهيمـات بالفزعـات تنصفـنـي = فزعاتـهـم بالعـلـن مـاهـي بمخفـيـه
اهـل مهـارن تـحـد الـقـوم للحـزنـي = شهـب طلايـع مـرابـط خـيـل منقـيـه
ليا جت كراديس مثل الغيم والمزني = تـاريـخ وافـعـال نــار تلتـهـب حـيــه
حـذف الجنايـز وراهـم مالهـا دفنـي = بسيوف حـدب بـروس القـوم مقديـه
فعل مضى بنجد والنسيـان يوسفنـي = اشوفهـا بيـن بعـض النـاس منسيـه
والـيـوم ابـذّكـر الهلـبـاج والعـفـنـي = ان كـان عنـده مـن التاريـخ عقلـيـه
وجـزا الوحيفـه وابوعايـد يلاطفنـي = وربعـه معـه كلهـم مـن دون مثنيـه
لو طيبهم بالسهل تبحر بـه السفنـي = كـل ٍ غـرق فيـه بالروحـات والجيـه
بـنـي عـلـي بالـمـكـارم ماتخالـفـنـي = الطيـب مـن سآسهـم مافـيـه شكـيـه
لا يابعـد مـن يـصـد وتـقـل سافهـنـي = كــل الدعـابـيـل بـالاكــواخ مخـفـيـه
يصـد عنـي وانــا ادريـبـه مخالفـنـي = اهــل وجـيـه ٍ تكـالـح تـقـل مشـويـه
لـعـل ربــي مــن الـرديـان ينصفـنـي = وجـيـه ٍ قبيـحـه وبالزرنـيـخ مطلـيـه

أبو صقر
17-01-2011, 06: AM
صح لسان القائل .. وألف شكر على النقل الجميل ......

ابونايف
17-01-2011, 07: AM
يستاهل المدح والطيب والشهامه
تسلم اخي ع جهودك

النبراس
17-01-2011, 12: PM
وهذا الشبل نايف من ذاك الاسد محمد

الملاقي
17-01-2011, 06: PM
شـكــ وبارك الله فيك ـــرا لك ... لك مني أجمل تحية .

قــلــم الــرصــــاص
17-01-2011, 11: PM
تشرفت بمروركم احبتي

الشاعر محمد الحربي
18-01-2011, 07: PM
الشكر لك وصح لسان القائل ويستاهل الممدوح..

نايف الغتر
14-02-2011, 08: AM
الأخ الفاضل
قلم الرصاص
لا
هنت علي هذه المتابعه والنقل الفريد
الذي أتشرف أن أكون أبن هذا الأسد
محمد علي الغتر الحربي
و
صح لسان الشاعر الكبير
جزا صالح الهليمه الحربي
و
ما عليكم زود