المساعد الشخصي الرقمي


مشاهدة النسخة كاملة : في الكبد ليعاتها وفي النفس حاجات !!



الشاعر محمد الحربي
05-03-2011, 10: AM
في الكبد ليعاتها وفي النفس حاجات
حاجات ماهيب رغبات وشهـوات
ندم على حزن على مدري شسمه
اللـي يكلمـك وتكلمـه بسـكـات
ياودي اصرخ من اللي داخلي حيل
وياودي ماتيبس من الليعـه شفـات
مزحوم تفكير ومشـوش وبـردان
وياخوفي من الغضب والانفعـالات
تعـارك الشـر والخيـر فيـنـي
يأثـر علـى اتخـاذي للـقـرارت
ثاقب وألاحظ تفاصيـل التفاصيـل
كن البشر عري وعيونـي مرايـات
أفضال ربي علي واجـد وأفضـل
أفضال ربي علي الفقر وأنكارة الذات
يامجمل الفقـر وأشيـاءه وروحـه
تموت منه تعب وتعيشـه ازمـات
يعلمـك ضعفـك وبـأن عقـلـك
هو اللـي يميـزك عـن الحشـرات
وتعرف بأن هذا لـك وذا لغيـرك
ولاتفكّر ولاتكسّر حسابات
الفقر مفيد ..وأشياءه مفيده
مليء قناعه وقوه وغايات
يمكن لو إنك غني تطغا وتنسى
وأتطيش وتطوّف الخمس صلوات
لذلك الحمد لله والثنى له
على الفقر والمصايب والمسرات
يمكن أني فقير بس مانيب تبعّي
أجلس ولا أنقاد خلف الإتجاهات
وإن ما أعجبتني قناعات الزمن هذا
أنا.. أألف لتفكيري قناعات
شاعر ويسكن فـ مخي ألف شاعر
ماهم بشعّار هالوقت التروفات
اللي يقولون مافي الشعر نادر
وإن الشعراء نفس المستويات
لو أنهم واحد وبتفكير واحد
ماشفت ناقد ولا معجب وشمات
الله على هالكلام ومن يقوله
والله يقطع سياسة هالمجلات
يعني اللي شعره ملى الدنيا جماهير
مثل اللي يطلق قصيده سردة أبيات
لامن سمعت القصيده قلت هذي؟
سمعتها قبل هذي عشر مرات!!
يشل.. آخر كلام الشطر الأول
ويحطه بآخر الثاني .. وخذ هات
قاف متكرر.. ولافكره ولاشي
يبني القصيده.. على تفكير بنات
وبه نوع ساذج علشان أيتميّـز
يصرخ ويعمل بيدّينه حركات
والمرء عود مايجهل.. لذلك
هالشعراء يكرهوني -أنا- بالذات
الله يخليني لشعري وأصونه
وأحرق به كبود شعّار المسجات
أجذبّ به.. أذواق حكّام الجزيرة
وأزرعه.. فعقول فتيان وفتيات
اركبّه جن.. وامارسه بجنون
وأشبعه فلسفات وأبتكارات
وآعلم الجيل هذا وإللي بعده
جودة الإطاله.. وفن الإختصارات
و وشلون أحرث صخر فكري وأخلّي
بيني وبين أقرب منافس مسافات
الشعر في نظرة اغلبهم مصالح
فلوس وشيوخ وبنات ولقاءات
وفي نظرتي الشعر روحٍ و روح حرّه
ماتخضع لشف.. وأشخاص.. وقياسات
الشعرٌ ماتقشعرُ له الأبدانٌ
ومَا يسَرقُ من الكلمات.. الكلمَات
تقراه فـ عيون شاعره وتحسه
يفتح له فَجلد يدّينك مسامات
ردد قصيدي ياجمهوري وصفق
وعلمّهم إن الغلا ماهو خيارات
تعال نسرح سوّى في شي عندي
وأخاف لا أبكي؟ وتبكيني العبارات
حزين جداً ومتعومس وخايف
أحس كنّي على مهوّي نهايات
حبيبتي .. إللي أغليها وأبيها؟
راحت.. وقالت بجّي وللحين ماجات
ما أذكر أني.. مسوي شي لكن
الحب لا زاد.. يسبب حزازات
والصبر صبر القلوب البيض وأدري
يامصعب الصبر لا قدّ به محاتات
دمّرني الشوق وإستنرفني شعور
وتعبت أثبت وجودي داخل شتات
تمر كل الوجيه.. بدرب عيني
نفس الملامح؟.. ونفس الإبتسامات
حبيبتي طاغيه وبشكل طاغي
صديقة الليل واجناب البنايات
من وين ما أفتر لاهذا وجهها
على الطرقات وأضواء السيارات
يابرّي حالي عليها برّي حالي
عليها يابرّي حالي عشر بريات
لأني أحبها.. فعلاً وجداً
ماهي محبة.. رفث.. ولا إتصالات
أحس كني أبوها أو أخوها
أدرى عليها من العالم مدارات
وإللي سواتي.. يحب وخايف الله
يعرف.. معنى معاناة المعانات
الحزن في بعض الأحيّان إزدواجي
وجميل.. إذا صار من تجنيب غلطات
من خّلا حاجه لربي عاضه أخيّر
منها واحسن دبلات الدبلات
وانا مابي .. غيرها .. ولا ألتفت له
السيده .. لا رجعنا للسيادات
جعل أمها إتوافق إن جيت أخطبها
تكفون دعواتكم يـ أهل الدعوات

::
للشاعر/سعد علوش

البرضاوي
05-03-2011, 03: PM
قصيده جميله واختيار موفق00

الصيدلاني
05-03-2011, 04: PM
يعطيك العافيه

صقرالديره
05-03-2011, 06: PM
شـكــ وبارك الله فيك ـــرا لك ... لك مني أجمل تحية .

الوافي
05-03-2011, 07: PM
شـكــ وبارك الله فيك ـــرا لك ... لك مني أجمل تحية .

الكناني
05-03-2011, 11: PM
شـكــ وبارك الله فيك ـــرا لك ... لك مني أجمل تحية .

ابونايف
06-03-2011, 12: AM
يعطيك الف عافية اخي الراجحي

الرحال
06-03-2011, 05: AM
شـكــ وبارك الله فيك ـــرا لك ... لك مني أجمل تحية .

الشاعر محمد الحربي
06-03-2011, 01: PM
قصيده جميله واختيار موفق00

الأجمل مرورك حياك الله...

الشاعر محمد الحربي
06-03-2011, 01: PM
يعطيك العافيه

يعافيك ابواحمد

الشاعر محمد الحربي
06-03-2011, 01: PM
شـكــ وبارك الله فيك ـــرا لك ... لك مني أجمل تحية .

يشرفني مرورك هلا وغلا...

الشاعر محمد الحربي
06-03-2011, 01: PM
شـكــ وبارك الله فيك ـــرا لك ... لك مني أجمل تحية .

الشكر لك حياك الله

الشاعر محمد الحربي
06-03-2011, 01: PM
شـكــ وبارك الله فيك ـــرا لك ... لك مني أجمل تحية .

الشكر لك حياك الله

الشاعر محمد الحربي
06-03-2011, 01: PM
يعطيك الف عافية اخي الراجحي

يعافيك عزيزي...

الشاعر محمد الحربي
06-03-2011, 01: PM
شـكــ وبارك الله فيك ـــرا لك ... لك مني أجمل تحية .

الشكر لك حياك الله