المساعد الشخصي الرقمي


مشاهدة النسخة كاملة : البــــــــــــــــــــــــــــــارحــــــــه



الشاعر ابراهيم الحربي
26-06-2008, 04: AM
البارحه صبيت للفكر فنــــــــجال
من دلة افكاري جزيلات الابيات
وقلطتها للي على كل منــــــــزال
يرسون مثل الشامخات المنيفات
يشهد لهم ماضي وحاضر ولازال
مرقابهم روس الجبال الطويلات
وديوانهم للضيف والجار مدهــــال
ما يذبحون الا الكبار السمينات
وبراقهم يروي الضما كل ما خال
يروي قيوض المجذبات السنيات
هاك الخبر من فكر شاعر وخيال
درب على شيل الحمول الثقيلات
اللي تعلم من مربيين الاجيـــــال
وحب الوطن في داخله حي ما مات
يادار حبك عشق في كل رجال
عشق تربع بالضلوع النحــــــــيفات
عشقي لداري ما يوزّن بمثقال
واغلى من اغلى الغاليات الثمينات
وختامها يارب لاسال ســــيال
يسقي ديار للمــــــكارم منـــــارات

الرادار
26-06-2008, 10: AM
صح السانك على هالقصيده يا يصعب الرجال وبيض الله وجهك يالجزل

وتسلم يمينك على هالنزف الرائع يارائع

لاهنت على اتحافنا بهذه الرائعة ..والجزاله لاتستغرب منك

البرضاوي
26-06-2008, 04: PM
صح لســـانك شي جميل ان نرى مثل هذه القصائد
بارك الله فيك

النبراس
27-06-2008, 03: PM
الى الامام وبالتوفيق انشاء الله

العامر
30-06-2008, 10: PM
صح لسانك

صادق الود
04-07-2008, 11: PM
بارك الله فيك اخوي صعب الرجال على هذه القصيدة

مراسل ثربان
24-08-2008, 08: PM
قصيده جميله

الحربي
26-08-2008, 08: PM
قصيدة جميله