المساعد الشخصي الرقمي


مشاهدة النسخة كاملة : & .. شيخـه ، إلعـوب .. &



بقايا جروح
24-03-2011, 01: AM
كل البشر في صوب وهالبنت في صوب

الكامـل الله كامـلـه مــا تعـابـي

ترفه وهـي تمشـي مسافـات ودروب

في عـز رحـلات الشقـى والعذابـي

لا من مشت في يدهـا ترفـع الثـوب

كـلٍ يناديهـا وهـي تقـول مـابـي

من الدلـع سميتهـا شيخـة العـوب

حتـى دلعهـا منحنـي لـه اعجابـي

لحقتهـا والهـرج زاهـب ومكتـوب

لأي موقـف كنـت عامـل حسـابـي

قلت السلام .. وردت بأيـش مطلـوب

قلـت الخفـوق بخفـت الـدم ذابـي

قالت وش اللي حـدك لنـاري تـذوب

قلـت المشاعـر ماعليهـا عتـابـي

قالـت تمثـل دور عاشـق ومحبـوب

قلـت الحقيقـه افتـديـك بشبـابـي

قالت اخيـر الحـب ناهـب ومنهـوب

قلت انهبيني قبل مـا انقـل صوابـي

قالت متى تكبر عـن الحـب وتتـوب

قلت الخبل من شاف زينـك وتابـي !!

قالت صراحـه مـا توقعتـك اسلـوب

قلت افهم انك معجبـه فـي جوابـي ؟

فجأه عرض لي واحدٍ عرضة خـروب

سلـم علـي وخاطـر البنـت طابـي

جاني مطفي ضارب فياض وشطـوب

ومن قو عينه قـال .. يامرحبابـي !

واخذ يسولف لي وانا فيـه مغصـوب

يسئل عـن احوالـي وسبـة غيابـي

مايدري انـه بعرضتـه كسـر قلـوب

لا واعـذابـي مـنـه لا واعـذابـي

رقد على كبدي وانا بوقـت محسـوب

البنت راحـت والرجـا منـه خابـي

وقفت عاجـز كنـي انسـان مغلـوب

من قرد حظـي كـل هـذا جـرا بـي

اتلا عهدهـا تلتفـت لفـت رعبـوب

مـا الله كتبهـا قسمـةٍ فـي كتابـي

اقفت تمشـى فـي مسافـات ودروب

قلبي يناديها وهي تقول .. مااابـي !!

المستشار
24-03-2011, 05: AM
قلـت السـلام وردت بأيـش مطلـوب قلـت الخفـوق بخفـت الـدم ذابــي
قالت وش اللي حـدك لنـاري تـذوب قلـت المشاعـر ماعليـهـا عتـابـي
قالـت تمثـل دور عاشـق ومحبـوب قلـت الحقيـقـه افتـديـك بشبـابـي
قالت اخيـر الحـب ناهـب ومنهـوب قلـت انهبينـي قبـل لانقـل صوابـي
قالت متى تكبـر عـن الحـب وتـوب قلت الخبل مـن شـاف زينـك وتابـي
قالـت صراحـه ماتوقعتـك سـلـوب قلت افهم انـك معجبـه فـي جوابـي
فجأه عرض لي واحدٍ عرضت خـروب سلـم علـي وخاطـر البنـت طابـي
جاني مطفي ضارب فيـاض وشطـوب ومـن قـو عينـه قـال يامرحبـابـي
واخذ يسولف لي وانـا فيـه مغصـوب يسئـل عـن احوالـي وسبـة غيابـي
مايدري انـه بعرضتـه كسـر قلـوب لا واعـذابـي مـنـه لا واعـذابــي
رقد على كبدي وانا بوقـت محسـوب البنت راحـت والرجـى منـه خابـي

هاهاهاهاهاها
ياسلام يالغالي
من جمال القصيدة..اني اقراها وكني اشوف الحدث قدامي

كلام مرتب وتصوير رائع

نقل مميز
:)

أبو صقر
24-03-2011, 05: AM
طرح راقي واختيار أكثر من رائع .. ألف شكر أخي المبدع همت بك ....

الطموح
24-03-2011, 08: AM
طرح راقي واختيار أكثر من رائع

الرويعي
24-03-2011, 08: AM
شـكــ وبارك الله فيك ـــرا لك ... لك مني أجمل تحية .

الشاعر محمد الحربي
24-03-2011, 08: AM
شـكــ وبارك الله فيك ـــرا لك ... لك مني أجمل تحية .

الملهوي
24-03-2011, 01: PM
شـكــ وبارك الله فيك ـــرا لك ... لك مني أجمل تحية .

السومري
24-03-2011, 01: PM
موفق بإذن الله ... لك مني أجمل تحية .