المساعد الشخصي الرقمي


مشاهدة النسخة كاملة : الضعـف ماغير .. قدر ناسً : ضعـوف



بقايا جروح
24-03-2011, 01: AM
يابنت وجه الخيـر بيّـن ومعـروف
لـو ماتكلـم شافـت النـاس خيـره


والوجه الاقشر ماهو بحاجة وصـوف
يبـان حتـى للعـيـون الضـريـره


من عاش يتبع خطوة المال ملهـوف
رزقٍ كتبـه الله .. مافـيـه غـيـره


الخوف لو ينفع .. نفع صاحب الخوف
اللـي علـى حقـه يدينـه قصيـره


الضعف ماغيّر قـدر نـاسٍ ضعـوف
عاشت صغيره ويوم ماتـت صغيـره


كلمة احبك بس مـن اربـع حـروف
وتحكي احاسيـس ومشاعـر كثيـره


الحب اكبر من سهـر ليـل وطيـوف
ماتفهمـه حتـى القلـوب الكسيـره


تدرين اصدق حب يطلع من الجـوف
حب الفقير اللي عشـق لـه فقيـره


احلامهم تكبر مـن ملامـس كفـوف
وتكبر من اشواق العشيـر لعشيـره


كنه معاها لو على ضلـع مكشـوف
داخل قصـر يجمـع اميـر واميـره


احساسهم صادق بلا كـذب وزيـوف
كلـن يقـول اللـي يريّـح ضميـره


احساس طفله عندها العيـد نفنـوف
تظـن مـن تلبسـه صـارت كبيـره


يابنت انا عانيـت ومرتنـي ظـروف
ماريّحـت حتـى العيـون السهيـره


وللحين راسي راس وكتوفي كتـوف
ماغيّـرت منـي ليـالـي عسـيـره


مدام فيني حيـل وعيونـي تشـوف
والله معيّشـنـي بحـالـه ستـيـره


والله لستقبـل علـى بابـي ضيـوف
لو مـا ملـك الا دلتيـن وحصيـره

الشاعر حمدان المالكي
24-03-2011, 02: AM
تدرين اصدق حب يطلع من الجـوف
حب الفقير اللي عشـق لـه فقيـره



صح لسان قايلها
ويسلم ناقلها

تحياتي

أبو صقر
24-03-2011, 05: AM
جميل جدا ... ألف شكر .....

المستشار
24-03-2011, 05: AM
يعطيك العافيه يالغالي اختيار رائع
بس اسم القصيدة... احساس طفله

بقايا جروح
24-03-2011, 05: AM
الله .. يعافيكم .. وبالنسبه للاسم : منقول يالغاليَ لقيته كذا ، وكتبتــه ..

الطموح
24-03-2011, 07: AM
موفق بإذن الله ... لك مني أجمل تحية .

الرويعي
24-03-2011, 08: AM
شـكــ وبارك الله فيك ـــرا لك ... لك مني أجمل تحية .

الشاعر محمد الحربي
24-03-2011, 08: AM
همت بك اشكرلك همتك..