المساعد الشخصي الرقمي


مشاهدة النسخة كاملة : " صدفــة "



بقايا جروح
24-03-2011, 04: PM
الشوق ماله عمر , يفنى وينعاد
........................له في الضلوع أن عاد وأن غاب رجفه


مع كل فرقا , له ورى الجفن ميلاد
........................وأن ماتت الفرقا لقى الشوق حتفه


جيت أقتل الفرقا من بلاد لــ بلاد
........................ملّ الطريق يشيلني فوق كتفه


وأنا بعد مليت من كثر ما أرتاد
........................هالشارع اللي كان لك فيه شرفه


تظمأ عيوني شوفك , وتشبع سهاد
........................عيّا الزمن يقطع ظماها بــ رشفه



لاوجهك أسقاها , ولا ذاقت رقاد
........................ماغير طيفك , طيفك اللي أعرفه


كنّه ظبي , وعيوني ظلال صيـاد
........................يجفل قبل يرتد للجفن طرفه


مشكلته أنه كل ما أشتقت يزداد
........................حتى ملا جدران وقتي وسقفه


وأصبحت أشوفه فــ أول الغيم لاجاد
........................وفــ أقصى الشفق لاطاحت الشمس خلفه


وفـي الأرض لانامت عقب صوت رعاد
........................وفي كل شباك ٍ صحت منه درفه


أتعبت طيفك لوم , واللوم مافاد
........................ويوم الأمل في شوفتك مات نصفه


نويت أسافر عنك بجروح ٍ جداد
........................وعمر ٍ من أوراق الزمن حان قطفه


نويت , لكن جابني الشوق منقاد
........................وجابك حنينك , والزمن سال عطفه


شفتك تبــسّـم لي خجل مدري عناد
........................وفي نظرتك شوق ٍ من الظلم وصفه


حسيت كني طفل , وعيونك أعياد
........................ياعيدي اللي له ورى الصدر رجفه


سـمّ اللقا صدفة , وأسـمّيه ميعاد
........................أنا أنتظرتك , وأنت مريت صدفه

أبو صقر
24-03-2011, 05: PM
جميل جدا .. ألف شكر همت بك ....

صنهات
25-03-2011, 02: AM
شـكــ وبارك الله فيك ـــرا لك ... لك مني أجمل تحية .

الحزنوي
25-03-2011, 02: AM
شـكــ وبارك الله فيك ـــرا لك ... لك مني أجمل تحية .

المنهالي
25-03-2011, 03: AM
شـكــ وبارك الله فيك ـــرا لك ... لك مني أجمل تحية .

ابونايف
25-03-2011, 02: PM
جيت أقتل الفرقا من بلاد لــ بلاد
........................ملّ الطريق يشيلني فوق كتفه


كلام جميل اخي ويعطيك العافية ع الابداع

البروجي
26-03-2011, 02: AM
شـكــ وبارك الله فيك ـــرا لك ... لك مني أجمل تحية .

الشاعر محمد الحربي
26-03-2011, 08: AM
شـكــ وبارك الله فيك ـــرا لك ... لك مني أجمل تحية .