المساعد الشخصي الرقمي


مشاهدة النسخة كاملة : قصة بنت ..!!؟؟



السراب
08-05-2011, 08: PM
قصة بنت كانت تطالع واحد بعين قوية
المهم الرجال طلع شاعر وما قصر فيها
وأعطاها كم بيت علشان تتأدب
لكن المفاجأة...؟؟؟
كل شبر بها الوسيعهـ ملك ربي تعلمين
واعلم إن اللي خلقني هو خلق لك هالعيون
لكن انتي من جلستي وانتي فيني تحدقين
كن مابه ناس غيري بهالكراسي يجلسون
لو سمحتي عاد اسمعي وحتى لو ماتسمعين
المهم اللي بقوله تسمعينه ويسمعون
عالأقل ليا نظرتك سوي روحك تستحين
غضي طرفك مثل غيرك خوف ربعي يلمحون
الركاده عاد زينه والحياء في البنت زين
وفيك جازم لاركاده ولاحياء يذكرون
تعرفيني؟؟أعرفك؟؟ ماأذكر إنا ملتقين
لاأعرفك من تكوني ولا تعرفي من أكون
وإطمأني إن كان قصدك بس فيني تشبهين
ماهو أنا اللي تعرفينهـ والبشر يتشابهون
مادريتي من التشابه يخلق الله أربعيين
واعرف أربع يشبهونك بس والله يستحون
وإن كان قصدك شي ثاني عاد قولي وش تبين
خايف إنا نصير فرجه واللي ماشتروا يتفرجون
وإذا ببالك عاجبتني لايحوشك تحلمين
صح ربعي من جمالك فيك صار يمدحون
بس وش لي في حلاتك دام فيها ترخصين
حشمة البنت وحياها والكرامه يلفتون
ولو توفر فيك هذا مع حلاتك تبشرين
ماهو أنا ألف غيري باب بيتك يطرقون
وش علامك رغم كل اللي أقوله وتسكتين
موطبيعي هالسكوت وهالبرود وهالسكون
إنتي خرسا أسألك وإلا منتي تسمعين؟؟؟؟
قالوا ربعي ذي كفيفه قلت لا لا تمزحون
لين شفتك يوم رحتي يمسكونك باليدين
مادريت إلا عيوني أربع أربع يذرفون
آه ياني منه مشهد يوم شفتك ترحلين
جيت أشوف عيون ربعي لقيت الكل يدمعون
قلت سنة هالحياة وحنا ترانا مؤمنين
الله اللي مسيرنا بين كاف وبين نون
وكل بونا نختلف مع إننا من أصل طين
سبحان يلي مصورنا ولله في خلقه شؤون
يعني حنا كل أبونا عاد إسمنا بنادمين
وليا قضى ربك أمر وقال له كن فيكون
فينا يلي رازقه خير رب العالمين
وفينا يلي هو لعطفه بحاجة القلب الحنون
وفينا يلي ماشكى من عله كالآخرين
صــــم وبكـــــم وعمـــــــي فهـــــم لايفقهون
بس قليل عاد فينا للنعم هم شاكرين
والله يرزق هالخلايق من حيث هم لايعلمون
وتدرين عاد يالكفيفه حنا ترى متعادلين
وإن ماإنعمت أبصارنا قلوبنا هم اللي يعتمون
يالكفيفه يالعفيفه إن قلت آسف تقبلين؟؟
يغفر الله ذنوب عبده ليا خطا وهل تغفرون؟؟؟

نــرســيــان
08-05-2011, 09: PM
يعطيك العافيه اخي السراب
ولايحرمنا من ابداعك
ابصراحه قصه مؤثره جدااا

الحربي
08-05-2011, 09: PM
يسلمووووووووووووووووووووووو اخي السراب قصه غاية الروعة

السراب
08-05-2011, 10: PM
يعطيك العافيه اخي السراب
ولايحرمنا من ابداعك
ابصراحه قصه مؤثره جدااا
ابداعك يجبرنا على محاولة الإبداع والتطوير من الذات

السراب
08-05-2011, 10: PM
يسلمووووووووووووووووووووووو اخي السراب قصه غاية الروعة
مرورك هو الأجمل اخي الحربي

الشاعر محمد الحربي
09-05-2011, 08: AM
يعطيك العافيه...

عبدالمحسن
09-05-2011, 08: AM
شكراا اخي السراب مبدع كعادتك,,,

الامل
09-05-2011, 09: AM
يعطيك العافية صح لسان الشاعر

المعالي
09-05-2011, 03: PM
يعطيك العافيه اخي السراب
ولايحرمنا من ابداعك
ابصراحه قصه مؤثره جدااا

السراب
12-05-2011, 06: AM
يعطيك العافيه اخي السراب

ولايحرمنا من ابداعك
ابصراحه قصه مؤثره جدااا




اشكر مرورك الجميل اختي

المستشار
12-05-2011, 10: PM
يعطيك العافيه يالغالي ابدعت

السراب
13-05-2011, 11: AM
يعطيك العافيه يالغالي ابدعت
يعطيك العافية لمرورك