المساعد الشخصي الرقمي


مشاهدة النسخة كاملة : |--*¨®¨*--|تكفى(لايجـي غيـري مكانـي)|--*¨®¨*--|



ابوبندر2009
30-12-2008, 01: PM
بلا مقدمات هذيان من حدود القلب..,

يخشى الأقدار والظروف وإنكسارات الفراق .. ويعلل أوردته بالأماني ..’

::

::





حبيبي طالبتك أن جت لحظه وافترقنا
لاتخلي وحـدة(ن) تاخـذ مكانـي
ولاتخلي بيـت عليـا اللـي بقلبـك
به تعيش انثى ولو بضعـة ثوانـي
ومعك أمانه يابعـد حيـي وميتـي
لاجلست بجنبهـا غمـض عشانـي
وأذكر اني قلت لك يـاروح روحـي
أنت ملكي بس ماانـت لحـد ثانـي
أنت قلـب(ن) ماانخلـق إلا لقلبـي
وأنت روح(ن) نبعها سال وسقانـي
وأنت لي وحدي ولا كثـري يحبـك
غير قلب(ن) في دروبك لك سبانـي
وكـان وصلـك ياأميـري ماتهيـا
أوعدك ماانساك لو عمري نسانـي
وكانهـا الايـام جـادت واجمعتنـا
والله اني لااشعـل سنينـك أمانـي
واحتفل بك كل لحظه وأنت جنبـي
وأعزف حروفـي لخفاقـك أغانـي
وأنثر ورود الوله واسقيـك لهفـة
خافق(ن) لاغبت لحظه جاك عانـي
وأجمع سنينـي وأبعثرهـا بكفـك
وأسرقك كلك هنـا بيـن المحانـي
وأفتدي روحك بروحي يـا بعدهـا
وأنزع همومك وأطوقـك بحنانـي
ماأبي بـرد الهمـوم بيـوم يلفـح
خاطرك وإلا تجـي لحظـه تعانـي
هاات همك في وسط جوفي وصبـه
وكان به غيره تعال وصـب ثانـي
وأعطني قربك وانا بعطيك عمـري
وأهدني لحظه وخـذ كلـه زمانـي
ياأمنيـة عمـري أذا قالـوا تمنـي
ويااصدق أنسان(ن) بقلبه أحتوانـي
وياملاذي لا بكيت وضاق صـدري
وياوطن عمري إذا عمري جفانـي
ياحنـون القلـب ياتاجـي وعـزي
بك نسيت الناس والغيـت الموانـي
ياهلي وناسي وكلـي ياحيااااااتـي
وياحواسـي كلهـا دون إنقصانـي
بك تشوف العين وأيضا فيك أسمـع
وبك أحس الكون أفـراح وتهانـي
صرت أحس أمك هي أمي بس يفرق
أن ولدها ماهو من جملة اخوانـي
آآآآه منك ياولدهـا كيـف روحـي
سلمت لك نبضهـا حـب وتفانـي
وكيف قلبي عاف كل الخلق لجلـك
وصار لجلك مجرم وأيضـا أنانـي
أيه مجـرم مايبـي غيـره يحبـك
ولايبي عينـك يشوفـه مودمانـي
وأيه أناني مايبـي فيـك يتشـارك
مع بشر بالكون لا قاصـي ودانـي
وأيه أحبك وماأعيش بدون وصلـك
وأيه أموت أموت في بعدك واعاني
وأيه كلي فدوتك من قلـب اقولـه
بس تكفى(لايجي غيـري مكانـي)



,’

أتمنئ تحوز على رضاكم ..,,

البرضاوي
30-12-2008, 02: PM
جميل جدا اخي العزيز
يعطيك العافيه على هذه الكلمات الجميله والرائعه
حفظك الله00

الطالعي
30-12-2008, 05: PM
يعطيك العافيه اخي الكريم

ابوبندر2009
30-12-2008, 09: PM
جميل جدا اخي العزيز
يعطيك العافيه على هذه الكلمات الجميله والرائعه
حفظك الله00
استاذي الفاضل / البرضاوي الاجمل مرورك اخي الغالي ربي يسعدك

ابوبندر2009
30-12-2008, 09: PM
يعطيك العافيه اخي الكريم
اسعدني مرورك اخي الطالعي

المنذر
04-01-2009, 12: AM
شكرا لك

الفارس
26-01-2009, 09: PM
بارك الله فيك