المساعد الشخصي الرقمي


مشاهدة النسخة كاملة : ضرابه بين شيبه وعجوز



المستشار
16-07-2011, 11: AM
الشيبــــــــــــه:
قلبي شباب ولازم اني اعرّس .. مابا العيوز اللي اتوسّد على الباب
الخير وايد وانا ماني مفلّس .. عندي فلوسٍ تدعم البنك في الحساب
العـــــــــــيوز:
ما باقي غير خشمك وهالضرس .. تبغي تعرس وانت غادي شالغراب
جابل صلاتك الله يشفيك م المس .. والاّ ترى باطب ويهك بالتراب
الشيبــــــــــــه :
إنتي عيوز وأكلج الروب والخس .. اما انا ماكل سوى تكه و كباب
ما فيني سكر غير ضغطي نازل بس .. دام الهوى فيني ترى كل شي طاب
العيــــــــــوز:
لا بارك الله فيك يا الشيبه يا النحس .. ما تيبك الرمسه ولا ايبك اعتاب
قصرلي صوتك مابا اسمع ولا حس .. عطني طلاقي وانجلع واقبض الباب
الشيبــــــــــه:
دومك نحيسه وذا لسانك يبا قص .. ربي ترى حلل لي اربع بالكتاب
هذا خميس الاعمى يا كم عرس؟ .. مرتاح في الدنيا بل اهم واعصاب
العيــــــوز:
بطران وراسك كالصخر يابس وعص .. مالوم طبعك يوم ربعك هالكلاب
غادي شرا الاريل.. ودومك اتحيّس .. استح على ويهك.. أصلع ولعاب
الشيبــــــــــه:
فكيني من ويهك ترى مالي أي نفس .. زهقان من شوفك وابغي لي أحباب
هذا طلاقك طالقه اربع وخمس .. شلّي طلاقك من ضميري بلا احساب
العيــــــوز:
مشكور يالشيبه ومن دون أي دس! .. عندي حبيب ما ابتعد لحظه وغاب
يشريك ويبيعك تراه ابثمن بخس .. ما تسوى ظفره .. حلوٍ اسمر وجذاب
الشيبــــــه:
يالله قبل لا موت منك واغتص .. طلعتي لي قرنٍ وراسي بعد شاب
يا شينه البرقع ترى قدرك اختس .. عيوز ولك في الدنيا خلان واحباب
العيـــــــوز:
مثلك تراني وهذا لك في العمر درس .. لاني أميز بين شيبه وشباب
والا نسيت اني على الموضه ألبس .. ما علموك اني بلا شيله وحجابhttp://forum.te3p.com/images/smilies/2009/t104.gif

قرن حرب
16-07-2011, 11: AM
وش السالفه ...

العلوي
16-07-2011, 12: PM
لكـ خالص احترامي

الظاهري
16-07-2011, 02: PM
مساكين مع ان العجوز لسانها اطول بس باين ان الموضوع بيطيح فوق راسها
يعني هي الي بتخسر

عنيد خميس حرب
16-07-2011, 07: PM
لكـ مني كل التقدير على طرحكـ

الخبت
17-07-2011, 01: AM
الله يحسن لهما الخاتمه

ترايدنت
17-07-2011, 01: AM
يمكن يصتلحون ويطيح الحطب

الكناني
17-07-2011, 04: PM
ضرابة الشيبان ما اجملها

الشاعر محمد الحربي
18-07-2011, 10: AM
الف شكر........