المساعد الشخصي الرقمي


مشاهدة النسخة كاملة : ليتكـــــــــــــ تحـــــســـــــ ....



المستشار
06-11-2011, 08: PM
ابدأ بــ قصيدهـ لــ شاعر الشمال /// خلف المشعان
قد تعبر عن بعض شعوري الممتـلئ ببعض العبارات وبعض السكون الغريب .

مني لكم هذه القصيده..


مادمت تنشد يارفيقي .. عن الحال
........................ مالي على كتمانها عنك حيله
الصبر عن بوح الاحاسيس قتال
........................ والبوح في بعض المواقف ، فشيله
لو كل مايطري على البال ينقال
.......................... ماكان شفت ان الثقيله ثقيله
ابطيت اكافح ضيقة البال بالبال
...................... وادفع بلا , هاجوسها كل ليله
لين اقبلت مثل السحابه بهمال
............... تشفي غليل اللي تزايد غليله
رعاده خيالن تدابك وتخدال....
وبراقه لمعت سيوف الصقيله
لاطاحت ، ولاْوفق من حناياك منزال
......وسع فضا صدرك لفيض المخيله
وابطلبك يابدر [ تكمى ] المخيله
ان قيل ترعد , قلهم : صوت زلزال
.................. وان قيل تبرق شف لها ادناة حيله
مابي .. تناقلها هل القيل و القال
..................... وتصير من بعد القصيره , طويله
يابدر .. !
يابدر .. ماني عال لو صحتي عال
.................... شفني من الصدمات نفسي عليله
اشيل حملٍ لو يشيلنه جبال
....................... الله ، وامانه غير تصبح نثيله
أرمي من هموم الزمن واسحب أدبال
................. وانزل عن [ الجوكر ] وغيري يشيله

من كثر ماشفت بحياتي من انذال !
........................ بديت اشك ان النذاله فضيله
ماطاح من عيني رجل , طاحوا رجال
................... ورجال [ يابن حنيف ] ماهي قليله
اقرب من اللي قالهم ضمن ما قال :
..................... راكان بن حثلين راعي الجزيله
هذا .. ولد عمٍ ، وهذا .. ولد خال
.......................... وهذا رفيقٍ مالقينا بديله
سبحان منهو يابدر غيّر الحال
.................... وحط الجفا بين الخليل و خليله
هذا الزمن يبغاله .. لسان دلاّل !
................... من يستحي هالوقت واعزتي له
وقتٍ به [ الراعي ] غدى راعي دلال
................... كلٍ على طاريه ينفض شليله
ومن كان ساسه للردى مضرب امثال
................... اليوم يحسب من كبار القبيله !
المال !
المال .. يابن حنيف ملعون , أبو المال
................... ذل العزيز .. وعز ناسٍ ذليله !




ولــــــي عودهـ بـــ شوق وبعض من الحكايات !!! المستشار

المناور
06-11-2011, 09: PM
من كثر ماشفت بحياتي من انذال !
....... بديت اشك ان النذاله فضيله

ابونايف
06-11-2011, 11: PM
مادمت تنشد يارفيقي .. عن الحال
........................ مالي على كتمانها عنك حيله

كل عام وانت بخير اخي المستشار

الخبيبه
07-11-2011, 12: AM
شكرا على النقل وكل عام وانت بخير

الشاعر حمدان المالكي
07-11-2011, 12: AM
صح لسان قايلها
وسلمت يد ناقلها

وكل عام وانت بخير

النبراس
07-11-2011, 12: PM
بارك الله فيك وشكرا على النقل الجميل

العامر
07-11-2011, 12: PM
شكرا لك و كل عام وانت بخير اخي المستشار

الامل
07-11-2011, 12: PM
يعطيك العااااااااااافية وكل عام وانت بخير

الصولجان
07-11-2011, 01: PM
الف شكر وعساك على القوه

الشاعر محمد الحربي
01-12-2011, 08: AM
من كثر ماشفت بحياتي من انذال !
........................ بديت اشك ان النذاله فضيله
ماطاح من عيني رجل , طاحوا رجال
................... ورجال [ يابن حنيف ] ماهي قليله
اقرب من اللي قالهم ضمن ما قال :
..................... راكان بن حثلين راعي الجزيله
هذا .. ولد عمٍ ، وهذا .. ولد خال
.......................... وهذا رفيقٍ مالقينا بديله
سبحان منهو يابدر غيّر الحال
.................... وحط الجفا بين الخليل و خليله
هذا الزمن يبغاله .. لسان دلاّل !
................... من يستحي هالوقت واعزتي له
وقتٍ به [ الراعي ] غدى راعي دلال
................... كلٍ على طاريه ينفض شليله
ومن كان ساسه للردى مضرب امثال
................... اليوم يحسب من كبار القبيله !
المال !
المال .. يابن حنيف ملعون , أبو المال
................... ذل العزيز .. وعز ناسٍ ذليله !




ابن مشعان شاعر متمكن

نــرســيــان
03-12-2011, 07: AM
يعطيك العااافيه.....