المساعد الشخصي الرقمي


مشاهدة النسخة كاملة : من كتاباتي



الشاعر حمزه الحربي
07-08-2014, 08: AM
هذه الابيات اهديها للجميع :

ياصاحبي لاتحسب لجور الايام
خذني على يمناك وانسى تعبها

افزع على صوتك والعالم نيام
وفزعتي عندك ابد ما احتسبها

خذني على يمناك فارس ومقدام
وهموم قلبك شيل ابوها وجبها

اشيل عنك الهم وابقى لك حزام
ونارك على معاديك انا حطبها


--------------------------------------


هذه الابيات هديها لمن اساء الظن :

اللي اساء الظن فيني علامه
مايدري انه ماذبحني كلامه

جتني علومه وابلغ الرد مني
صمتي على ظلمه وطعنة حسامه

اصبر على جور الزمن والمآسي
وصمتي ترا تقدير مني لمقامه

يدعي علي بكل صبح وعشيه
ويطلب من المولى يحقق مرامه

يبغى يشوف اليوم فيني العجايب
وابغى حسابي منه يوم القيامه

مايدري اني ما التفت للعواذل
ولاتهمني هروج الدنى والرخامه

ردي على مثله بحقي مصيبه
ردي انا يخليه يشكي ندامه

ما ادور اللي في غيابي ظلمني
واللي يواجهني اكسر عظامه

واللي يقدرني له الروح فدوه
اللي معي يوفي ويوزن كلامه

قد قالها حامد كبير المقامي
المحترم يفرض عليك احترامه

-------------------------------

المهاوي
07-08-2014, 09: AM
شكرا على الموضوع.....

الوافي
07-08-2014, 09: AM
وفقك الله......

البلومي
07-08-2014, 09: AM
عساك على القووه.....

الشاعر حمزه الحربي
07-08-2014, 09: AM
يعطيكم العافيه جميعا على مروركم الرائع

العامر
07-08-2014, 03: PM
صح اللسااااااانك .....

الشاعر حمزه الحربي
08-08-2014, 02: AM
صح بدنك يالغالي

ابوذاكر
08-08-2014, 06: AM
صح لسانك بارك الله فيك على جهودك رائعة

الزير
08-08-2014, 11: AM
شكرا لك.......

الشاعر حمزه الحربي
09-08-2014, 02: PM
صح بدنك ويعطيك العافيه