المساعد الشخصي الرقمي


مشاهدة النسخة كاملة : قصيدة للوطن



الشاعر ابراهيم الحربي
23-09-2014, 05: PM
مشاركتي الوطنية في اليوم الوطني

....الحمد لله في رخا خير وايمان...وافضال ربي في وطنا كثيره ...
يعلها الهمال وتعود ريضان...اقصى فيافيها عمار ومنيره...

اعلامها خضرا بها كل الالوان....تعلن ولا للي يقود المسيره...
ياسيدي وقفة محبه وعرفان ....من شعبك الوافي كبير وصغيره ...

نلطم بها في وجه كاذب وخوان ...خبيث نفس وما يبين سريره ....
حنا يا بو متعب جنودك لك اعوان....ودون الوطن نبذل دمانا غزيره ...

قوات بحريه سفن ردع لابان ...وجه العدا ونعلمه وش مصيره ...
ومشاة بحريه على البر فرسان ...حتا العدو ماعاد ينفع نذيره ...

والخاصه في كل مينا وميدان ...مثل الصقور الجارحات المغيره...
وقوات جويه تعيل بالاذهان...ضرباتها في كل خاين خطيره ...

حنا جنود الله وصقور سلمان ...ضرباتنا يوم الملاقا غويره...
تلاقا بيارقنا علا راس دخان ...اللي يعادينا عرف وش مصيره ...

واللي يبي الحسنا نجازيه باحسان...يلقا بنا نخوه وفزعه وجيره...
في حكم عبدالله حكمنا بقران ...وسنة نبي الله بنور وبصيره...

القايد اللي دوم للحق برهان...في خدمة الاسلام قد بان خيره ...
والنائب الثاني علا الحق ميزان ...سلمان ياللي لك علا المجد سيره ...

يا ميرنا لك في قلوب الوطن شان ...الكل يعلن لك ولا ونت اميره...
وختامها حنا علا خير وايمان ...وامن الوطن دونه صقور الجزيره .....

الشاعر ابراهيم علي الحربي

الطلحي
23-09-2014, 06: PM
الف شكر.....وصح لسانك والوطن يستاهل

العلوي
23-09-2014, 07: PM
صح لسانك يا شاعرنا

سفير حرب
23-09-2014, 07: PM
صح لسانك يا ابو ابراهيم

الهيلمان
23-09-2014, 07: PM
دمت في حفظ الرحمن

ابوذاكر
23-09-2014, 07: PM
صح لسانك وعساك على القوه

الشاعر حمزه الحربي
23-09-2014, 09: PM
صح لسانك يا ابوعلي شاعر جزل

القلم الحر
24-09-2014, 02: AM
بارك الله في جهوود الجميع

الشاعر محمد الحربي
24-09-2014, 02: PM
الله الله يستاهل الوطن

المهاجر
24-09-2014, 11: PM
كل عام الوطن واهله بخير....

الشيخ موسى محمد
26-09-2014, 08: PM
حفظك الله يا وطن

الريان
07-10-2014, 12: PM
وفقك الله اخووي.......