المساعد الشخصي الرقمي


مشاهدة النسخة كاملة : الشاعر إبراهيم الحربي ينعي الملك عبدالله ويبايع الملك سلمان .



الشاعر
25-01-2015, 12: AM
http://cdn.sabq.org/files/news-image/377252.jpg?663197



البارحه بقلوب يملاها الإيمان
جانا الخبر وفاة صقر الجزيره

موت المليك اللي على الظلم برهان
اللي حكم شعبه بصبر وبصيره

والدار في عهده على خير وأمان
اقصى فيافيها عمار ومنيره

اللي حكم بالشرع سنه وقران
وصارت من علوم البشر مستنيره

مرحوم ياللي كل شعبك لك اخوان
من جا يبي يبني الوطن تستشيره

مديت كفك بالعطا وين ما كان
واصلحت نفسك في العلن والسريره

يا اعظم ملك في خدمة الحق ما لان
شعبه غشاهم مد كفه وخيره

مرحوم ياللي كنت للعدل ميزان
وعلى دروب الخير قدت المسيره

والشعب عقبك بايع الشهم سلمان
كل الوطن بايع صغير وكبيره

نلطم بها في وجه كاذب وخوان
ونلطم بها كل النفوس الحقيره

حنا الوطن حنا الملك ربع وأعوان
وحنا الصقور الجارحات المغيره

لجل الوطن نوقف على كل ميدان
ولجل الوطن نرخص دمانا غزيره

ياسيدي وقفة محبه وعرفان
رفرف علمها في سما كل ديره

تعلن لك البيعه على سمع واذعان
سلمان ياللي لك على المجد سيره

ولنايبك مقرن على ارض الوطن شان
راع المواقف في الامور الخطيره

ولمحمد النايف على الصدق عنوان
الشعب بايعكم كبير وصغيره

والحمد لله في رخا خير وايمان
وآمن الوطن دونه صقور الجزيره


النص الاساسي لقصيدة للشاعر إبراهيم الحربي
والتي تم التعديل عليها بالخطأ في صحيفة سبق

تم التصحيح
http://sabq.org/yCwgde

الهيلمان
25-01-2015, 02: AM
صح لسانك يا شاعرنا ورحم الله ملك الانسانية

ابوذاكر
25-01-2015, 10: AM
صح لسانك ياشاعرناورح ملك الله ملك الإنسانية

المنادي
25-01-2015, 01: PM
بوركت أخي. .......

الالفي
25-01-2015, 04: PM
رحمه الله واسكنه الجنه

المسلماني
25-01-2015, 04: PM
وفق الله الجميع الى ما فيه خير الامة

الهلولي
25-01-2015, 06: PM
رحم الله جميع اموات المسلمين

ابونايف
26-01-2015, 11: AM
صح لسانك ياشاعرنا عساك ع القوه.....