المساعد الشخصي الرقمي


مشاهدة النسخة كاملة : مرثية للشاعر محمد الحربي يعبر عن حزنه لوفاة الملك



الشاعر
27-01-2015, 12: AM
مرثية للشاعر محمد الحربي يعبر عن حزنه لوفاة الملك

http://www.khaat.net/contents/newsm/9758.jpg

امتعب ملوك البسيطة بحلاياك
مرحوم ياراع الصفات العظيمه

لو ينفدى من موت رجال نفداك
بارواحنا نفديك شيمه وقيمه

ارحم ملكنا ياوليي طلبناك
ويالله تصبرنا فوفاته الاليمه

وشلون يابو متعب الشعب يسلاك
بعدك جموع الشعب صارت يتيمه

عسى جزاك الخير في جال مولاك
ونفسك عساها في جنانه مقيمه

صعبن على حروف الشعر تبلغ رثاك
والصدر ربي عالمن قدر ضيمه

ياللي حيينا دوم في خير يمناك
مرحوم ياراع الكفوف الكريمه

افنيت عمرك ياابيض الوجه ورضاك
مقرون برضانا بنيه سليمه

صقرن حييت وماتوا ابعهدك اعداك
وحاربت اهل البغي واهل الجريمه

غيبة شمسن للفتن واهل الاشراك
ومنعتنا شر النفوس السقيمه

حسب الشريعه دايم الدوم ارياك
رجلن كريم وفيك نخوه وشيمه

ياواحدن قدرك من كان يشناك
وقدر مواقفك العظيمه الحكيمه

ياسيدي وان مت تبقى سواياك
كنها قمر يضوي الليال العتيمه

ابكي واقدر كل موقع لماطاك
مفارقك صدمه وفجعه جسيمه

وتبكي عيون العرب في يوم فرقاك
يالله عسى قبرك تعاوده ديمه

عزاي بانه امر من رب الافلاك
لولاه موتك يشهد الله ظليمه

في جنة الفردوس يارب محياك
وعساك من ربي تكافا بنعيمه

يرحمك ربي ياملكنا ويجزاك
ادعي وتدعي لك قلوبن رحيمه

يالله طلبتك يالولي واترجاك
تكتب لابن عبد العزيز الغنيمه

عبدالله عبدك خالقي لاذ بحماك
يارب تسقي قبره اليوم غيمه


محمد أحمد الحربي


http://www.khaat.net/news-action-show-id-9758.htm

الرعد
27-01-2015, 12: PM
شكرا على النقل

العزام
27-01-2015, 12: PM
رحم الله الملك عبدالله وصح لسان الشاعر

الهداج
27-01-2015, 12: PM
تقبل شكري وتقديري

الجودي
27-01-2015, 12: PM
وفقك الله.......

الهويش
27-01-2015, 12: PM
عساك على القوووه

سيف
27-01-2015, 12: PM
بالتوفيق والى الامام

رحم الله الملك عبدالله

ابوذاكر
27-01-2015, 07: PM
بارك الله فيك صح لسانك ياشاعرنا والى الامام

البهلول
29-01-2015, 04: PM
الى جنة الخلد يا عبدالله بن عبدالعزيز يا اطيب ملك

الشاعر محمد الحربي
05-02-2015, 02: PM
شكري وتقديري للغالي الشاعر وصحت ابدانكم جميع