المساعد الشخصي الرقمي


مشاهدة النسخة كاملة : (حنّا الحروب)



الشاعر حمزه الحربي
12-08-2015, 10: PM
حنا حروب وحرب افعالها غير
بالمرجله والطيب خذنا الصداره

حنا الحروب احرار نكفخ كما الطير
نرقى القمم ماهو بسطح العماره

حنا الحروب نصدر العز تصدير
وصغيرنا بالعز قد شب ناره

في نصرة المظلوم جينا طوابير
وندعس على اهل الدنى والحقاره

فينا الرجال الوافيه والمنعاير
اللي تبيد الذل في عقر داره

افعالهم جزلات واعمالهم خير
ومافيهم اللي خان ضيفه وجاره

الضيف له واجب وننحر له بعير
والجار نكرم منزله بالزياره

ابوي وصاني وانا سني صغير
اللي كبير السن احفظ وقاره

قال انتبه ياابوك هرج الهواذير
وخل بين اذنك وبينه ستاره

ربعك ولو جارت عليك التدابير
هم محزمك هم بيت عزك وداره

خلك مع ربعك ولا تسمع الغير
والبعد عن ربعك خساره خساره

الدهشان
12-08-2015, 11: PM
صح لسانك....

ابوذاكر
13-08-2015, 12: AM
صح لسانك انت مميز

الشاعر حمزه الحربي
13-08-2015, 12: AM
صحت ابدانكم

الكناني
13-08-2015, 01: AM
بوركت أخي. ..

الزير
13-08-2015, 09: AM
يعطيك العافيه......

المهابي
15-08-2015, 03: AM
شكرا على الابداع

الشاعر حمزه الحربي
24-08-2015, 08: PM
الابداع مروركم الجميل