المساعد الشخصي الرقمي


مشاهدة النسخة كاملة : الصديق



الشاعر حمزه الحربي
30-08-2016, 08: PM
عند وقت الضيق نقّيت الصديق
وقت ضيقي احتزم دوني وقام

توني من غفلة الدنيا افيق
كم صديقٍ حزة الشدات نام

دار ظهره واستلم ابعد طريق
صد عني يوم شاف اني حطام

لارحم حيّه تركني في مضيق
واختنق صوتي وانا فوقي ركام

وانتفض دوني صديقي والرفيق
وانتشلني الصقر من كربي وحام

وقال لي ابن النشامى لاتضيق
متني بمتنك وندحم فالزحام

ومدّ لي كفّه ورقّاني طويق
وافترش راسي معه ريش النعام

الصديق اللي يجي حزّات ضيق
مثل هذا لايباع ولا يسام

معدنه من طيب اصله له بريق
تُثبت فعوله قبل قول الكلام

جعل يفداه الهلامه والرقيق
وقفته تبقى على صدري وسام

الكناني
31-08-2016, 03: AM
صح لسانك.....

الناشري
31-08-2016, 11: AM
وفقك الله....

المهند
31-08-2016, 11: AM
صح لسانك.....

ابوذاكر
31-08-2016, 03: PM
صح لسانك وإلى الإمام

المهابي
01-09-2016, 10: PM
بالتوفيق.....

النبراس
02-09-2016, 01: PM
صح لسانك ولا عدمناك

المناور
02-09-2016, 02: PM
بوركت أخي. ....