المساعد الشخصي الرقمي


مشاهدة النسخة كاملة : قصيدة للشاعر محمد الحربي



المراسل
22-08-2017, 10: PM
عزيزن علي يقول يابو شامي صرت تتكلف في قصيدك

تكلفي وجهة نظر واختلافي
معك طبيعي ياخوين اكزه

في لازمي لا احتجت يالذيب تافي
وانت اللذي مضمون محدن يوزه

يالايمي خل الخوافي خوافي
لوكنت داري منطقك من معزه

مبطي الحف في ثنايا اعترافي
واخفيه في صدري طناخه وعزه

ولا الحقيقه واقع العمر سافي
يالين همي جار ولبست بزه

بين الألم والضيق هذا مطافي
لو ابتسامي فوق ثغري ارزه

الوقت اخلف هقوتي يالسنافي
كم صاحبن صدري بشلفاه خزه

كم لي وانا امشي على الجمر حافي
من ضير اشيا يالخوي مستفزه

ماعاد فيها يامحمد عوافي
قلبي كثير الصمت ياخوك جزه

ومادام ربي قد هداك اكتشافي
يومن سؤالك مسمعي جا وازه

بينت لك مالا لغيرك يشافي
لو كانه اوضح من معاناة غزه

لكن باقي قبل ختم القوافي
علمن على بالي على كل حزه

قل للذي روح وبيده لحافي
طاح الرطب من دون جذعه اهزه

اللي حرمني إياه والجو صافي
اليوم ماعاده بعيني منزه

قله إلى هاللحين والحين كافي
يدور على ديره وفيها ايتنزه

بعنى على منهو لبلواي شافي
واجنب الرديان والعلم دزه

دزه عساها في ذراكم خفافي
ياللي ينومس عين منهو يقزه

خل التكلف ماهنا به خلافي
لو كان طبعي بعترف لك معزه

ولولاك غالي الخوافي خوافي
ماني بمنهو اي واحد يلزه

سدي بعيدن دافنه في فيافي
منوا لها صعبن ولكن وزه

واقبل تحية صاحبك يالسنافي
والعلم تكفى ماابي من يخزه

ابوشامي

النبراس
03-09-2017, 05: PM
صح لسانك....

المعاند
03-09-2017, 05: PM
الف شكر......

السلامي
03-09-2017, 05: PM
تقبل مروري. ....

السماري
03-09-2017, 05: PM
دمت بخير وسلامه

الرهوان
24-09-2017, 09: PM
جزاك الله خير....

الرامي
24-09-2017, 09: PM
تقبل شكري.....

المهاجر
06-10-2017, 07: PM
صح لسانك.....