المساعد الشخصي الرقمي


مشاهدة النسخة كاملة : مساجله شعرية بين الشاعر عويض العارضي والشاعر محمد الحربي



المراسل
04-04-2019, 05: PM
والله لو اني على الخط دايم
اني لا اسوي لي مع الخط ديوان

اجر صوتي مع سباق وزحايم
مرات زعلانن ومرات طربان

سواة ابوشامي مع الطرق عايم
وسط البحور يدور الرزق قبطان

لاهو بلاصاحي ولا هو بنايم
يهرب سواة الذيب في وسط خليان

🖊عويض العارضي


يامرحبا ياصقر فالجو حايم
مايهبط الا لاضمن غالي اثمان

ياشاعرن ماغير للجزل سايم
يامبتكر صوره وفكره وأوزان

انته مجلد فالشعر دون تايم
ما احتجت لاديره ولا احتجت لازمان

ان جيت تلفي في عظيم الغنايم
وان غبت لك جمهور يرقبك ولهان

اما ابوشامي ترى اليوم شايم
عن الشعر بالرزق ياخوك بلشان

والرزق ماهو طرد ولا عزايم
للواحد اللي كافلن رزق الانسان

واخر شطر جوي مهو دوم غايم
احيان يصفى بس ياقل الاحيان

🖊أبوشامي

حي الجواب اللي لفا كالنسايم
مثل الزهر متخالف اشكال والوان
من شاعر في الشعر خط الرسايم
بحر ومن زينات الامثال مليان
ذاك الصديق اللي فعوله عظايم
ادب وخلق وعقل يازن يميزان
يصارع الدنيا بعزم وشكايم
يضرب بمخلاب ويشهر بجنحان
ماتبتلش بالشعر والشعر رايم
للي سواتك عاشقه يابليهان
ينقاد لك من دون عسف وظلايم
الى تعسر فيه من جاه شفقان
مشفق ومن شعره عليه التهايم
وانته بري ومحامي عنه فهمان
لو للشعر ضابط مرور وقسايم
ياكثر من يمسي يراقبه سجان
شعر تبلوه الغشم والهلايم
اللي سرق له حرف من عند دكان
ثمٍ ركض يبغى فلوس وعزايم
كالبهلواني صار للضحك عنوان
اجوف بلا خبره سواة البهايم
لو تساله عن بيت يحتك حيران
ناجح بحرف الواو والدعم دايم
لولاه يمدي في شبر مي غرقان

🖊عويض العارضي


فيك البقا يابيت بالطيب قايم
ولاهان عودن عقبك دوم لاهان

مثلي و مثلك للجرب مايلايم
عسى عدوك ياعويض للاحزان

الشعر ماهو يانديمي تمايم
اتزين الاعناق موطنه الاذهان

راعيه فهد يذب كل الخرايم
لو قتنا اشهر والاعلام خرفان

الشعر كنه يطلب فالسلايم
من عالمن فالشعر ياصاح رعيان

كم واحدن فالشعر لو حك صايم
الا كسير وفي بلاويه بلشان

لوهو ادعى بانه بالاشعار هايم
يرجع من الميدان خايب وخسران

كثير ممن ادرجوا فالقوايم
ماهم كفو للشعر ياطير حوران

راح اليمن او فالشتا يوم شايم
تاجر ولاهو في تجارته ربحان

يافارسن مايوم ذاق الهزايم
خلك من اللي دان ياليل يادان

والفكر مثل اللي بأربع قوايم
يعني وتكرم فالطواريق حيوان

ماكل روسن تكتسي بالعمايم
كفو لعمايمها وانا نسل فرسان

لاعودت للفخر مافيه لايم
لامجادنا ياحرب في كل الاوطان

ابوشامي

المهند
04-04-2019, 05: PM
شكرا على نقل الابداع

الكناني
04-04-2019, 05: PM
تقبل مرووري...

النبراس
26-04-2019, 01: AM
بارك الله في جهدك....

المنادي
01-05-2019, 02: PM
الف شكر.....

الكناني
01-05-2019, 02: PM
بالتوفيق.......

السماري
01-07-2019, 03: PM
شكرا على النقل