المساعد الشخصي الرقمي


مشاهدة النسخة كاملة : أحلى قصه،،،،،،،،،



مشني الحربي
26-09-2009, 07: AM
" أيقنت بالهلاك "

كنا خمسة من الشباب وصلنا الصباح و نصبنا خيمتنا على شاطئ البحر وكالعادة ذبحنا الذبيحة ووو ...الخ .

أنا بصراحة كنت الوحيد بينهم ما أصلي نهائيا يعني وقتها كان عمري 21 ولا أركعها ، مع العلم أن أبوي إمام مسجد و كنت أطيعه في كل شي يقوله ويامر به الا الصلاة وفي حياتي ماسمعتة يقول غير الله يهديك ويصلحك بس كان يقومني للصلاة أروح اخذ فره بالسياره وارجع بعد ما يخلصون لأنه هو أول واحد يدخل المسجد وأخر واحد يطلع منه وعليه فهو لا يفقدني وبصراحة كنت عاصي لربي لدرجه مو طبيعيه .

المهم بعد ما تغدينا جهزوا الشباب عدتهم يبغون ينزلون البحر يروحون رحلة غوص ، وطبعا كان لازم واحد يجلس في الخيمة جلست أنا لأني موقد كذا في الغوص جلست لوحدي في الخيمة وكان جنبنا شباب أذن واحد منهم وطلعت برى شفتهم يتجهزون للصلاة قلت تجنبا للإحراج خلني انزل للبحر اخذ لي شوط سباحه . لبست ونزلت للبحر .. مشيت مشيت الين جيت في منطقه حلوه للسباحه ليست بالعميقه ولا بالقريبة سبحت وسبحت وسبحت ومنطقة الشعيبة معروفه بالأجراف تعرفون الأجراف أكيد,, المهم تعبت شوي وقلت خلني أنام على ظهري وأهمل جسمي على أساس أريح شوي وارجع ، سويت الحركة و جلست أطفو شوي ... وووفجأه ... حسيت أن واحد سحبني لتحت ونزلت تحت المويه حاولت أوقف على ارض البحر وادف نفسي فوق على بالي أن المسافة مترين تقريبا اثاريني وأنا أسبح بعدت ونزلت في جرف وأنا ما ادري وطبيت في منطقه عمقها 5 أمتار تقريبا .



http://gfx2.hotmail.com/mail/w3/rtl/emoticons/island.gif



حاولت اطلع حاولت وحاولت مااقدرت حسيت كان فيه شخص فوقي وماسكتي مع راسي ويدفني لتحت احاول بكل الطرق اللي تعلمتها في النادي ماقدرت اطلع كنت في حاله ياشباب لا احسد عليها كنت متلخبط واخبص في المويه حسيت أني ولاشي, حسيت وقتها أني اضعف من الذباب ... بدأ النفس يضيع النفس مني بديت احس بالدم يحتقن في راسي ... بالعربي بدأت احس بالموووووت.



http://gfx2.hotmail.com/mail/w3/rtl/emoticons/lightbulb.gif

بديت أتذكر أبوي وأمي وإخواني وأقاربي وأصحابي وعيال الحارة والعامل في البقاله وكل شخص مر علي بحياتي تذكرت كل شيء سويته وكلها في ثواني معدووده ... وبعدها تذكرت نفسي !!!

بدأت اسأل نفسي: صليت؟ لا

صمت؟ لا

حجيت؟ لا



تصدقت؟ لالالالا

أنت في طريقك لربك خلاص مفارق لدنياك مفارق لأصحابك كيف تبي تقابل ربك؟





http://gfx2.hotmail.com/mail/w3/rtl/emoticons/smile_sad.gif



وفجأة سمعت صوت أبوي وهو يناديني باسمي ويقول قوم صلي ... تكرر الصوت بأذني ثلاث مرات بعدها سمعت صوته وهو يأذن ...حسيت انه قريب بيجي يطلعني صرت أنادي عليه وأصيح ... باسمه والمويه تدخل في فمي أصيح وأصيح مامن مجيب...حسيت بالملوحة المويه في أعماق جسمي وبدا النفس يتقطع ... أيقنت بالهلاك... حاولت انطق بالشهادة.. نطقت أشهـ.. أشهـ.. ولا اقدر أكملها كأن فيه يد قابضه على حلقي تمنعني من نطقها حسيت أن روحي خلاص بتطلع... وتوقفت عن الحركه... وهذ آخر شي كنت أتذكره ... صحيت في الخيمه وكان عندي عسكري من خفر السواحل والشباب اللي جنبنا ... أول ما صحيت قالي العسكري حمد لله على السلامة ومشي سالت اللي عندي قلت منهو ذا ومتى جاء وكيف قالوا ما ندري !!! جانا فجأه وطلعك وزي ما تشوف مشي فجأه!!!! سألتهم قلت شفتوني وانا في المويه قالوا مع أننا كنا على الشاطي لكن قسم بالله ماشفناك !!! ما درينا عنك الايوم جاء العسكري وطلعك من البحر ... مع العلم أن مركز خفر السواحل يبعد عن خيمتنا تقريبا حوالي 20 كيلو متر طريق بري يعني يبيله تقريبا ثلث ساعة عشان يوصل لنا أذا جاه بلاغ.... وحادث الغرق صارت في دقائق معدوده واللي جنبنا وهم اقرب ناس مني وقتها يحلفون انهم ما شافوني كيف شافني العسكري وجاني !!! وربي اللي خلقني ليومكم ذا ما اعرف كيف وصل لي..!!!



(http://www.syrianlord.com/)

أحداث عجيبة !!!





http://gfx2.hotmail.com/mail/w3/rtl/emoticons/mobile.gifhttp://gfx2.hotmail.com/mail/w3/rtl/emoticons/mobile.gifhttp://gfx2.hotmail.com/mail/w3/rtl/emoticons/mobile.gif

ودق جوالي مسكته الا وهو أبوي بدت الأمور تتلخبط عندي بدا التشويش قبل شوي سمعت صوته والحين يتصل !!!؟

رديت عليه كفيك وش أخبارك سألني قالي أنت بخير وكررها كذا مره طبعا ما ابي اعلمه عشان مايقلق سايست الأمور وقفلت.. قفلت من عنده و قمت صليت ركعتين في حياتي ماصليت مثلها ركعيتين جلست اصليهم في نص ساعه ركعتين صليتها من قلب صادق وبكيت فيهم الين انبح صوتي.

في نفس اليوم يوم رجعوا الشباب قلت لهم أنا ماشي ورجعت للبيت ... اول مارجعت كان ابوي موجود ... اول ما فتحت الباب الا وهو في وجهي قال تعال ابيك ... جيت معاه قال امنتك بالله وش صار معاك اليوم العصر؟؟

تفاجأت واندهشت وتبلعمت ما قدرت اتكلم...حسيت كأن عنده خبر!! ... كرر السؤال مرتين... المهم حكيت له بالتفصيل الممل قالي والله اني سامعك تناديني وانا ساجد السجود الثاني في آخر ركعه وكانك في مصيبه مابعدها مصيبه انت تناديني بصياح واحس قلبي يبي يتقطع وانا اسمع صوتك وما دريت عن نفسي الا وانا أدعو لك بأعلى صوتي والناس تسمع !!! وفجاه حسيت كأن واحد كب علي مويه بااااارده ... طلعت من المسجد بعد الصلاه واتصلت عليك على طول والحمد لله رديت علي وحسيت اني ارتحت اكثر ... لكن ياولدي الصلاة انت مفرط فيها وعلى بالك الدنيا بتدوم لك ماتدري أن ربك يقدر يقلب حالك في ثوانيوهذا شي بسيط من اللي يقدر ربك يسويه فيك ... لكن ربي كاتب لك عمر جديد.



http://gfx2.hotmail.com/mail/w3/rtl/emoticons/smile_regular.gif

(http://www.syrianlord.com/)



عرفت أن اللي أنقذني من الموقف كان برحمة الله اول شي ثم دعوة ابوي لي ... وهذه لمسه بسيطة من لمسات الموت لكي يرينا الخالق عز وجل أن الإنسان مهما بلغت قوته وبطشه يصبح اضعف مخلوق أمام بطش الله وجبروته عز وجل ومن يومها ما تركت ولا غابت عني الصلاة ولله الحمد.

فيا شباب عليكم بطاعة الخالق وبر الوالدين.

عن بُرَيْدَة رضي الله عنه عن النبيِّ صلى الله عليه وسلم قَالَ : (( العَهْدُ الَّذِي بَيْنَنَا وَبَيْنَهُمْ الصَّلاَةُ ، فَمَنْ تَرَكَهَا فَقَدْ كَفَرَ )) (( حَدِيثٌ حَسَنٌ صحيح )) .

*** القصة منقولة للفائده ***

دعواتكم لي بالتوفيق،،،، مشني الحربي

البرضاوي
26-09-2009, 02: PM
نعم الانسان اضعف مخلوق أمام بطش الله وجبروته عز وجل
قصه معبره ومفيده
نسال الله الهدايه للجميع

سمرقند
27-09-2009, 01: AM
وفقك الله

مشني الحربي
10-02-2010, 12: AM
نعم الانسان اضعف مخلوق أمام بطش الله وجبروته عز وجل
قصه معبره ومفيده
نسال الله الهدايه للجميع




مشكور أخوي على المرور ولك تحياتي

مشني الحربي
10-02-2010, 12: AM
وفقك الله






مشكور أخوي على المرور ولك تحياتي

مَـلآك إْلـرُوح
10-02-2010, 01: AM
لا اله الا الله محمد رسول الله صلى الله عليه وسلم
قصة تحمل العظة والعبرة الله يجعلها في موازين حسناتك يخوي
ويثبتنا على طاعته ويرزقنا العمل الصالح الخالص لوجه وحسن الخاتمة
آمين آمين آمين

مشني الحربي
12-02-2010, 02: AM
لا اله الا الله محمد رسول الله صلى الله عليه وسلم
قصة تحمل العظة والعبرة الله يجعلها في موازين حسناتك يخوي
ويثبتنا على طاعته ويرزقنا العمل الصالح الخالص لوجه وحسن الخاتمة
آمين آمين آمين



مشكور أختي على المرور ولك تحياتي

البسمة
12-02-2010, 03: AM
شـكــ وبارك الله فيك ـــرا لك ... لك مني أجمل تحية .

أبو صقر
13-02-2010, 02: AM
بارك الله فيك ...

الرايق
13-02-2010, 05: AM
نعم الانسان اضعف مخلوق أمام بطش الله وجبروته عز وجل
قصه معبره ومفيده
نسال الله الهدايه للجميع

مشني الحربي
13-02-2010, 10: AM
بارك الله فيك ...




مشكور أخوي على المرور ولك تحياتي

مشني الحربي
16-02-2010, 02: PM
نعم الانسان اضعف مخلوق أمام بطش الله وجبروته عز وجل

قصه معبره ومفيده

نسال الله الهدايه للجميع





مشكور أخوي على المرور ولك تحياتي