المساعد الشخصي الرقمي


مشاهدة النسخة كاملة : ((( الزمن ياصاحبي ماله أمان )))



المستشار
28-10-2009, 11: AM
يفداك منهو يبتدى دوم باعذار
ولا همه إلا مربحه والمخاسير
لو كان ماله مع هل الطيب مصدار
لاشك في وقته غدا سالم الزير
الطيب مايوصف على ميت النار
الا مع اللي يحملون المخاسير

***

خلك عن درب الرديين شايم
نقاله النمة هل القال والقيل
اختار لك ليثٍ صديقٍ ملايم
لطام للعايل بعيد المواصيل
لو فات وقتك ماتفيد الندايم
ولا ينفعك كثر التنهات والويل

***

تبعدني اللحظه و أسافر بدربــك ..
جيتك وأنا شاريك ماجيتك إعجاب!
" وفيت لك من طيب أصلك وقلبك "
واشتقتلك من بد ربعي والأقراب ..
وإن كـان منت "أغلى البشر"؟؟ وش تحسبك؟؟
لاصرت أشوف الناس من بعدك ( أغـــــراب )


***

أصــبرحبيبي قبل ماترحل : تعاااال!
أبيك توعـــدني " تجيــني تجيـــني "
حتى إذا ظرفك عن الجيّات حال ..
" أكسر ظروفك ياغلا لجل عيني "
وابنتظرك أنا على كـل الأحوال ..
وابحتضن وردة غلانــا بيديني ..

***

يا صاحبي حبك مع الوقت ماهان
مثل الشراع اللي يقود السفينه
لأرسلت لي بافرح ولو كلي احزان
قول المثل في عين تكرم مدينه
انتا وانا روحين في داخل انسان
انا يسار القلب وانتا يمينه

***

ملكتني بالحب يالله عسى خير
هذا نصيب النفس وهذا قدرها
أرجوك لاتجعل حياتي مخاطير
مدام سلطان الهوى لك أسرها
ياهادي الأعصاب سمح التعابير
جنبني عن جور الليالي وكدرها

***

عقب ماكنتي أمل صرتي سراب
كل ماأقرب منك فجأة تبعدين
ماقوى النسيان ينسيني عذاب
نظرتك في شوق وأنتي ترحلين
أنتهى فيك الأمل عندي وذاب
مثل ماالدنيا تذوبها السنين
شاب فرحي والحزن دايم شباب
والفرح والسعد في حزني دفين

***

ما تقولون ياعذال ويش السوايا
أنشدوا من بدا بالهجر لا تنشدوني
أنشدوا من على صده تحطم هوايا
عقب ذيك الصداقه كن مايعرفوني
دايم أرعى خايلك في صباح ومسايا
أذكر أسمك وأنا الي في هواك مغبوني
صار حبيب وحبك ياحبيبي روايه
بدلوه العواذل من لقاك أبعدوني

***

بلغ احساسك تحياتي وسلامي
قول له راح مشــــواره من امس
انت ما جربت عمرك خصــــامي
انا قاسي ومالي في الاوهام نفس
انا عندي ظلام الليل ظلما من ظلامي
واي شمس تغــــــــيب ابدلها بشمس

***

لاصرت عـــــــــــادي وكلن يقدر يطولك
هونت !!! مب انا الي يعشق اليوم عادي
اقولها لك وباختصــــــــــــــــــــــــار
انا اذا حبيت ما احب قلب مشغول بغيري
نصيحـــــــــه تنفعك في زمانــــــك
خلك في دنياك احسن وخلني في دنياي !!!

***

تدري بعدك ارحم من وصالك
وصال كله صد وجفا وش نبي فيه
تكلمني ببرود ياكيف حالي يهنى لك
تزعلني !! وخاطري ما تفكر تطيبه
تمشيني بكيفك كأني اصغر عيالك
مره تباعدني ومره تبيني قريبه !!!

***

عزاه ياخلن سعى في عذابـــــــي,,,,,,
وانا عن عيون المخاليق اداريه
مدري نوى خلي يصفي حســـابي,,,,,,
ولا يبي يجرب غلاه وتغليــــــه
احترت مابين الخطاء والصوابي,,,,,
,وشلون محبوبي عذابي يسليــــه

***

انا اللي عشت بالدنيا اصارع غابة الاحزان,,,,,,
حزن هموم عذابي يبتسم فيهــــا
تعبت بدنيتي هايم وصرت بدنيتي حـــيران,,,,,
,تعبت وهذي الدنيا دايم الاقيهــــا
زانا في داخلي نغمة وجدها داخلي فــنان,,,,,,
وجدها نغمة حيه وتبغى من يغنيها

***


الناس ما همها جرحي ولا حالي
اليوم كل اللي يبي نفسه يبديها
الوقت الاول تغير حيل يالغالي
ماعاد به ربع تشيلك بيدها
ماكل شخص ضحكلي ياخذ اقوالي
ماكل هرجه ابسمعها ابحكيها

***

الزمن ياصاحبي ماله أمان

والعمر يمشي وكل شي محسوب!

والقدر مكتوب والمخفي يبان

وحظي العاثر طلع أكذب كذوب!

كنت أنا طيب وكل قلبي حنان

وأحسبولي طيبتي ضمن الذنوب!

أذكر أني كنت ناجح من زمان

بس أحس أني تعلمت الرسوب!


http://www.palms-b.com/vb/imgcache/30439.imgcache.gif

وبس ان شاء الله تعجبكم ..

السلفي
28-10-2009, 06: PM
مقتطفات جميلة تشكرعليها

البرضاوي
28-10-2009, 10: PM
تشكر اخي ابونوف
على هذه الجهود القيمه
بارك الله فيك

أبو صقر
29-10-2009, 03: AM
ألف شكر أخي ابو نوف ..

المستشار
29-10-2009, 07: PM
مشكــــــــــــــــــــورين اخوتي على المرور

البسمة
30-10-2009, 02: AM
شـكــ وبارك الله فيك ـــرا لك ... لك مني أجمل تحية .

المستشار
10-11-2009, 02: AM
تسلمي اختي الغاليه البسمة على المرور