المساعد الشخصي الرقمي


مشاهدة النسخة كاملة : وتدري اضيع .. إليا بدالي .. جبينك



بحرالابداع
11-11-2009, 12: AM
خذني معك .. من وين ما رحت .. وياك
خذني بقلبك .. دام قلبي .. رهينك
صعبه ترى لو شفت .. وشلون ابسلاك
لو طفت هالعالم .. تراني سجينك
بعدك حياتي .. كلها ضيق .. وارباك
الواقع .. اللي .. ما تمناه .. عينك
كل المشاعر .. في غيابك .. تحراك
تصرخ عليك من الوله .. حيل .. وينك
اعاهدك .. ببقى على الحب .. منساك
عهد ٍ قطعته .. بين قلبي .. وبينك
مقدر على بـُـعدك .. حشى كيف فرقاك
هذي الحقيقة .. خلها .. في يقينك
ادري تساومني بروعة .. مزاياك
وتدري اضيع .. إليا بدالي .. جبينك
همك عذاب .. اللي نسى الناس .. لرضاك
وهمي اشوفك .. مهتني .. في سنينك
لو تطلب اسنين العمر .. من فداياك
سلمت لك عمري .. براحت .. يمينك
منك احتملت من الشقى فوق .. ما جاك
ذقت العناء والهم .. كني ..حزينك
يكفي .. دخيلك ( حس ) باللي ترجاك
لا عاش منهو .. يا حياتي .. يهينك
تعبت مالي .. بالهوى غير .. دنياك
مديت لك يمناي .. عطني .. يدينك. . .

الالمعي
11-11-2009, 04: PM
شكرا لك اخوي

العلوي
12-11-2009, 03: PM
مشكووووووور اخوي

البسمة
12-11-2009, 08: PM
ألف شكر أخي بحر العيون الله يعطيك العافية ..

حربية كيووت
12-11-2009, 10: PM
خاطرة رائعة موفق اخوي الى الامام..