المساعد الشخصي الرقمي


مشاهدة النسخة كاملة : الشايب والوايت؟؟!!



سواح
14-01-2010, 04: AM
الشايب والوايت



يسولفون عن شايب نوى يشتري له وايت علشان يسقي الحلال , وذالشايب متقاعد

وشاريله رعية غنم



وفوقها خمسين ناقه , فأخذ يجمع له دراهم لين صار عنده حول الخمسة وثمانين ألف ريال

فقام و توكل على الله وعزم يروح يدور له وايت.



صدفه و هو يمشي إلا ذيك الناس مجتمعة في أرض فضاء كبيرة ولآَ حولهم وايت واقف.

عجب خوينا

الشايب نظر هالوايت وهو ماشاء الله يبرق من بعيد ووقفته شي عجيب , قال بس لقيناه خلني اروح

أوصلهم وأشوف كم هو واصل سومه و إذا هم حادينه اشوف كم هو عليه.



وصل عندهم الشايب ووقف يسمعهم يحرجون , وأستانس بالحيل لأنه ماهو بغالي.

ولا ذاك الرجال

ماسك الميكروفون ويحرج 50,,52,,55,,ومن قال زود ,

قال الشايب بس شكلهم يحرجون على الوايت ولا هوب بغالي وإن شاء الله يكون من نصيبي.

وخش معهم بالحراج ,,,56,,,ويزودون...ويزود...ويزودون...ويزود.

المهم وصلوه 75,,,قام خربها وقالهم ,,,80

هو قالهم ,,80,,يوم طخوا كلهم و سكتوا..!..وهجدوا..!!..والتفتوا عليه!!!



يناظرونه..و يناظرون بعضهم..يوم تغامزوا ونقزله واحد منهم.. وسحبه على جنب

وقاله شف يا رجال أنت باين عليك أبن حلال وطيب بالحيل , وش رايك لو نعطيك شيك

بمليون ريال ذالحين ,,ذالحزه

بس مانشوف وجهك واقف معنا بالحراج .

انصدم الشايب ..أفتر راسه شوي وقال هااااا..وش السالفة..؟؟؟

مليون ريال ..وليه..؟؟

قال له الرجال (خويهم) بس خذ هالشيك وتوكل على الله والله يستر عليك ولالك بالطبخه.



وش اسمك ؟؟. عطاه أسمه وكتب له الشيك بمليون ريال وصرف الرجال من الحراج وهو مايدري

وش السالفه!!!.

طيب وش العلم علمني ..؟؟

علمه بالعلم. أثر ذا الجماعة يحرجون على المخطط وواقفين بالصدفة جمب الوايت اللي

جايبينه يرشون به الأرض علشان يحرجون.

والحراج من اليوم بــ 56 مليون و 75 مليون..وابو الشباب (الشايب) خش عليهم عرض

ولايدري وش العلم.



وهم بعد أخترشوا شوي يحسبونه هامور وبيلطش عليهم المخطط ..قاموا صرفوه بمليون ريال..

وهو ماصدق. طاير من الفرحه,,مليون,,ويقول بخاطره

عجزت وأنا اجمع خمسة وثمانين ألف ويجيني ذا الرزق من الله

فسبحان الله مقسم الأرزاق على عباده.

الرزق مثل الأجل يتبعك



******

الله يرزقنا بمخطط بالغلط

اقوول .. ماحولكم وايت للبيع هههههههههه....

مَـلآك إْلـرُوح
14-01-2010, 09: AM
http://img297.imageshack.us/img297/4863/6be1a18021qg5.gif

سموالإحساس
14-01-2010, 11: AM
رائع فتى الجنوب ويعطيك العافيه

النبراس
14-01-2010, 12: PM
يستاهل الشايب المسكين

حربية كيووت
14-01-2010, 12: PM
والله فللله لقي له مبلغ زين
الله يرزقنا ..

سواح
14-01-2010, 12: PM
http://img297.imageshack.us/img297/4863/6be1a18021qg5.gif
شكرا لك على مرورك الكريم

سواح
14-01-2010, 12: PM
رائع فتى الجنوب ويعطيك العافيه

شرفتنا بمروورك الرائع.. تحياتي..

سواح
14-01-2010, 12: PM
والله فللله لقي له مبلغ زين
الله يرزقنا ..

اللهم ارزقناا .. آمين...

سواح
14-01-2010, 12: PM
يستاهل الشايب المسكين

تحيآآآآتي لك اخي النبرآآآس............ِِِِِِِِِ

البسمة
19-01-2010, 03: AM
يستاهل الشايب المسكين

البرضاوي
19-01-2010, 02: PM
الرازق الله سبحانه
على نياتكم ترزقون
شكرا اخي على هذه القصه الجميله

أبو صقر
19-01-2010, 03: PM
بارك الله فيك أخي الدنيا أرزاق .........