المساعد الشخصي الرقمي


مشاهدة النسخة كاملة : الذيب خاله ذيب



فايز ال محيسن
12-05-2010, 10: PM
البدع من الشاعر الكبير خالد بن مبارك المعبدي( ابو ماهر )



هلت هجوس الشعر واشغلت بالي=الطيب اللي في زمانـي صفالـي
قم ياخفوقي فسر اللـي طرالـي=ياالله عسا في الامر خيراً وخيـره
جاوب خفوقي وقال يابن الحلالي=اكتب على طاروق زيد الهلالـي
من صافي اشعارك ومد الحبالـي=لاهل الشعر والكيف في كل ديره
قلت ابشر انا بمد حبل الوصالـي=لاكن سمي لي جويـد الرجالـي
اللي كسب في الاوله والتوالـي=ابنصاه كبير القـوم ولآ اميـره
قال انا سميـت فـارس مثالـي=ذيباً رقا في روس كل الطوالـي
فايز ابن عايض طويل السبالـي=وش قلت يارع البيـوت المثيـره
قلت انا هليـت باهـل المعالـي=سلام من غالي إلـى راس غالـي
جاك الشعر ياذيب سود اليالـي=والشعر مرسال العقول الكبيـره
وسّـم يافايـز وهـذا عقالـي=عقب السنين الفايتات الخوالـي
نبي نمد الوصـل يـاراس مالـي=عطني علومك يازعيم العشيـره
صب فنجالاً من الكيف حالـي=مبهراً بالهيـل جـوف الدلالـي
من كيف ابو ماجد رفيع الجلالي=وانـا حـراوي لليـال المنيـره


الرد من فايز بن عايض ال محيسن


لا ينشغل بالـك مـادام استوالـي=درب المعالـي ياسمـي المعـالـي
الطيب راسي مثـل شُـم الجبالـي=فيه الزهر فايـح بزاكـي عبيـره
ويامرحبا باللي هجُوسـه سرالـي=غنا علـى قافـاً وطرقـاً هلالـي
ابدع بحرفه وطـاب فالـه وفالـي=شاعر وحرفه مثل سيـف المغيـره
جتني حروف ابداع من حرف خالي=خالي وخال ابوي و الراس عالـي
ودايم على الطالات راعي الكمالـي=ياحي فاله وحـي ذكـره وسيـره
ياخال مافي شك ولافـي جدالـي=الذيب خاله ذيـب ماهـو ثعالـي
هذا مثل قد قيل من عصـر بالـي=كُلاً علـى ميـراد جمّـات بيـره
هليت بالمعنى وحرفـك حكالـي=لازم نرحب فيـك بـاول وتالـي
جاني عذب شعرك وفيـه الجمالـي=ومرسالكم فيـه المعانـي غزيـره
تسلم ويسلـم عزكـم ياخوالـي=ولاشك منزالك فـروس العوالـي
وابشر بعزك والسعـد فـي قبالـي=لوكان معطينـي الزعامـه كثيـره
سنعّتلك دله مـن الكيـف غالـي=وطبختها تُجّلب من عسير المنالـي
لجلك يا ابو ماهر تشيل الجمالـي=حتى ولو كانـت حمُـلاً عسيـره

الالمعي
12-05-2010, 11: PM
مشكور وصح لسانك ولسان صاحب البدع

البرضاوي
13-05-2010, 12: AM
ياســــــــــــــــــــــلام
جميل جدا اخوي فايز
بارك الله فيكم وفي جهودكم
الف شكـــــــــــــــــر

المستشار
13-05-2010, 02: AM
رائع يالغالي يعطيك العافيه دمت بخير

المسيار
13-05-2010, 09: AM
اروع كلمات منك ياشاعرنا

الطائرالشرقي
13-05-2010, 02: PM
مشكووووووووووووووور اخي فايز
يعطيك العافيه

وطني شموس
14-05-2010, 02: AM
http://img174.imageshack.us/img174/7370/moba2228nb7ntib5om2.gif

المتسامح
14-05-2010, 03: PM
يــعـطيـــــــك
العــافــيــة
على هذا
الجهد
الرائع