المساعد الشخصي الرقمي


مشاهدة النسخة كاملة : حــــــــــــامــــــــــد زيــــــــــــــــد الـــــــــــحــــلـــــــــــــم&# 62;>>



حربي وكلي وفا
13-05-2010, 12: AM
بوقت من البطا،وبليل تتراقص شياطينه
بعد شفت الضيا ينزع من ثياب المسا ثلثين

تحايلت المنام اللي مثل بيتك تمرينه
وانا اللي من تفارقنا وأنا ماغمضت لي عين

غريبة كل حلم يمر برقادي تزورينه
والاغرب كيف أحلم الحلم،وارجع واحلمه بعدين؟

قبل يومين،شفتك بالمنام..وقمت من حينه!
ونمت أمس،ورجع نفس المنام اللي قبل يومين

أنا اللي قبل اسافر شلت قلبي من شرايينه
تركته في يدك مثل الأمانه ،واحفظيها زين

ترى حفظ الأمانه دين..مجبورة تردينه
أجل ، مافيه أحد كد قال لك(حفظ الأمانة دين)؟!

مرد المقفي بيلفي.. ويستوفي ،وتوفينه
بعد ليله ،ثلاثه،أربعه،عشره،شهر، شهرين

إذا انتي ،ماانتي بقد الكلام اللي تقولينه
حرام..استامنك حاجة،وإذا جيت اطلبك تنسين

تخونين،وتبين أرضى.!وأحد يرضى تخونينه!
أنا لاجيت أخونك، مع حبيبة ثانيه،ترضين.؟

من أول مارجعت من السفر ماشفت لك بينه؟
وأنا اللي كنت أحسبك قبل ادوس ارض المطار..تجين

تكونين أنتي أول شخص عيني تحتضن عينه
وكنت أتخيلك من زود فرحة رجعتي..تبكين

وأشوف بدمعتك حكيك..وأعرفه قبل تحكينه
واجيب أحلى من اللي بتحكينه،وأتركك تحكين

تقولين:الوطن نور..وأقول بنورمضوينه
تقولي لي:غديت أحلى،وأقول:عيونك الحلوين

كلام نام بشفاهك..وخفتي لاتصحينه
ذخرتيه لغرام للي ينام...ويترك تصحين

تغانمتي غيابي..لين رجحتي موازينه
تعلم من يدك لمس الكفوف وعلمك تجفين

وليتك لاقيه به شي..فيني ماتلاقينه!
مهو بغرور..لكن خابرك مالك أمل تلقين

تغافلك بغلا..والإ الحلا مهو بمن زينه!!
تزينه الصور ..بس الصحيح ابن الحلال زوين

وأنا ماني بنقاص عنه يوم أنك تبدينه
نصيبي..هو نصيبي لو يسددها من الصوبين

قنوع بمظهري ،والسم مايذبح ثعابينه
على قول المثل ماني حلو..لكني ماني شين

إذا أهداك الزهر مره،فأنا اهديتك بساتينه
وإذا ألهاك بفرح ليله، فانا تهت لبكاك سنين

وإذا استضعفتك أملاكه...وشتتك ملايينه
أنا حتى فتات الخبزة أقسمها معك نصين

طموحي ،بس أجي وأظفر بشي تستحقينه
تدينته ،تسلفته،سرقته ،مومهم منين؟

كأني من كثر ماارضى بكل اللي تمنينه
لو انك تطلبين الله ..يعنيني، بقول آمين

أنا ماالعب على الحبلين،وقت الطيش وسنينه
تبين الحين يوم أني كبرت العب على الحبلين؟

ترى عند البدو بالذات عيب اللي تسوينه
حلاتك لاعشقتي..تعشقيني ليوم الدين

غرامٍ نسكن ضلوعه..حشيمه من مجانينه
جفا،يجمع معزتنا...ولاعشق يذل أثنين

كثار اللي تحدوني وقالولي :تحبينه
امانه ...لاتخليني صغير بعينهم تكفين

لاني كل ماقالوا(تخون)..اقول:مسكينه
عليك الله وأمانه..علميهم منهو المسكين

أنا خايف لياطاح الجمل تكثر سكاكينه
وأنا ماعاد بضلوعي مكان لطعنة السكين

مثل ماقالواالمكتوب واضح من عناوينه
لو ارحل منك للغربه بسافر من ظلامك وين؟

كفايه..كل حلم يمر برقادي تزورينه
كفاية..من تفارقنا..وأنا ماغمضت لي عين

قبل يومين شفتك بالمنام وقمت من حينه
ونمت أمس،ورجع نفس المنام اللي قبل يومين

الالمعي
13-05-2010, 12: AM
مشكور على النقل

البرضاوي
13-05-2010, 12: AM
شكرا لك
بارك الله فيك وفي جهودك

مَـلآك إْلـرُوح
13-05-2010, 12: AM
مثل ماقالواالمكتوب واضح من عناوينه
لو ارحل منك للغربه بسافر من ظلامك وين؟

يسلموو اختيار جميل ونقل رائع

الشاعر محمد الحربي
13-05-2010, 08: AM
ترى عند البدو بالذات عيب اللي تسوينه
حلاتك لاعشقتي..تعشقيني ليوم الدين

لك مني أجمل تحيه...

حربي وكلي وفا
13-05-2010, 01: PM
ثــــــــــــــــــــااااانــــــــــــــــــــــــــــكــــــــــــــــــس
ع الـــــــــــــــــــــــمـــــــــــرووووور

وطني شموس
14-05-2010, 02: AM
http://img174.imageshack.us/img174/7370/moba2228nb7ntib5om2.gif

مشني الحربي
14-05-2010, 04: AM
مثل ماقالواالمكتوب واضح من عناوينه

المتسامح
14-05-2010, 10: AM
يعطيك العافية على هذا الاختيار
ولك مني شكر ي وتقدير ي