قصيدة للشاعر تركي الحربي وقصيدة الرد مني

(( - تامر وتنها -))
..
لو للقصيد اشكال واصوات واسماء
-------يمكن مانــلقى بيننا شي منـها
--
وان كان فيكم شاعر شعور والقاء
----------يقوم قبل الناس ويرد عنـها
--
ابغاه في مسراي مايقول لي لاء
---------من شامها لين انتجاوز يمنها
--
ماهي على ماشئت او كيف ماشاء
--------نسري وغايتنا مع الدرب كنها
--
قصه وعشناها على عدة اجزاء
--------وابطـالها هـز الــمنابـر لحنها
--
قام الخطر يشتب من كل الانحاء
-----------ويدور اقرب عالمن يمتحنها
--
شفنا العدا اصحاب واصحابنا اعداء
----------والشر هد قصورها مــاسكنها
--
الـمســاله مــاهي بمحـــتاجــه اراء
----تبغى سيوف اهل الوطن عن وطــنها
--
واذآ التمست العذر عن بعض الاشياء
----------معذور والاسرار لاهنت صنها
--
شف حولك الابآء ينعون الابناء
----------والضعف بثياب المذله غبنها
-
رحله صباح وليل في صيف وشتاء
----------والعافيه طبيبها ماضمنهاا
--
هاذي هي الزبده من الالف الى الياء
----------اجمع بنات افكار راسك وزنها
--
ولا اتقنت معناها وجملت ألآدآء
------يــجوز ماتسلـمـ وتـدفـع ثـمــنها
--
واليا سلمت وصرت من ضمن الاحياء
------تــراك مــايــحتاج تامــر وتـنــها

[ تركي الحربي]

يوم القصايد مالها صوت خرسا
دخيل وجهك خلها في وسنها

والله لو تنطق تراها بتقسى
على اللذي في غب جهله دفنها

جاني كتابك بين جنبات الاحسا
ولا احسد اللي حفنتن قد حفنها

والحب لامن جاك مدموس دمسا
خطوه تليها اعذوق حلون غسنها

ياصاحبي من كان يعنيه مرسى
مينا الجزال ومغرمن في حسنها

يحمس هجوسه مثل مالبن حمسا
لا ينظر العالم ويبلى عفنها

خل اللذي مابين نابن وضرسا
ضيع مع الدنيا فرسه ورسنها

وكن اللذي ياخوك لا اصبح وامسى
يسوق نفسه سوق تحيي سننها

اوصيك لو تنسى فلا جيت تنسى
انسى مراحل عشت منها حزنها

ثم خذ لباكر عبرتن جاتك امسى
واعرف متى سريتك من علنها

تدري متى الاشناب ياخوك تخسى
لاهي على كفر ارتمت في كفنها

ولا النفوس اللي بالايمان تكسا
تنعم بجناتن وتغنم عدنها

جعلي وجعلك ممن يعيش انسا
ولا كما اللي ضنك محيا غزنها

ولا جاك خطي جعلك تطيب نفسا
ياللي عيوني منك قافك فتنها

ابوشامي

ما شاء الله تبارك الله

يعطيك العافيه....

دمت بووود.....

الف شكر.....

تقبل مروووري.....

عساك على القوه

شكرا على الابداع