قصيدة للشاعر محمد الحربي ورد الشاعر الشهراني

لبست بشت العز من يد رجال
هديتن وافخر بها في زماني

من الكفو ماضي وياحي هالفال
بن ناصر الزيزوم ذيب اشهراني

الوافي الضرغام ماقيل قد مال
على دروب المرجله في تفاني

اللي مطانيخ العرب منه تكتال
جل العلوم الغانمه والحساني

رجل فعوله تقفي العلم لاقال
وعن الجمايل ماعرف بالتواني

ماضي وماضي ماضي اجزال الافعال
احتاج واوفي ذكرها عمر ثاني

بن ناصر اسطوره على مر الاجيال
من محزمه ماضي فلاهو يعاني

إليه مني طاير الشعر مرسال
يبلغه ودن صدح به لساني

محمد بن احمد الحربي
ابوشامي

--------------------
قصيدة الشاعر ابن وندان

حنا كذا لاكبار الافعال نهتال
ونعطي عطايا مستحق الصفطاني

يامن في سلم اجدودنا سلمنا طال
كل القمم عالي مانرضى الطماني

والي تمثلته وجانا تمرسال
بمداح نظم مسرجات العناني

شوش لها روس عل الطيب مدهال
من عقب ماسمعت عذيب الالحاني

ضرب الييوت الي لها ترضخ اجيال
ويكتب لها التاريخ جزل المعاني

وفزت وشاشت لاجل ماقيل باذهال
من صخر عسر فيه قاسيه لاني

يامحمد احمد ياولد شيخه ارجال
يانسل قوم من شيوخ القيماني

تستاهل الي لبسك بشته اجلال
مع الهديه شحم ابل وضاني

جملتنا ياماضي وانت جمال
ماضي ولد ناصر عريب المجاني

وجانا قصيدك ياصبي حرب يختال
كنها تقول اطيب شنب يستباني

وسقت البيوت الصيرميات في الحال
تندا طرب وتسوقني وتحداني

متننومس بالطيب من فعل الابطال
هجرس لها الخاطر وفزت عشاني

الشان شاني والمواقف لها اعيال
وانا لها صامل وقوله شعاني

دون الجماعه لابتي رسوت اجبال
فخر لواهب دون كل درعاني

ياحرب ياقوم لها سالف امثال
باب الحميه في دماكم شجعاني

اهل الكرم والطيب مع كل منهال
ياسيوف حد مرهبات العدواني

واقبل تحياتي من لحون موال
من شاعر ترثه سلايل ونداني

محملات الود كالمزن همال
سيله مع الوديان سيل المحاني

وصلات ربي عد مالضل لامال
عل نبي الحق لانسن وجاني

المصفى المبعوث خيرات الاقبال
مبعوث رحمه للخلايق رحماني

يعطيك العافيه

بالتوفيق......

عساك على القوه. ....

بالتوفيق.......

دمت بخير.......

دمت بوووود