أبفتخر في قبيلة حرب أهل الثلاث المعجزاتي


قصيدة الشاعر


عبدالله بن سرحان المعمري الحربي


0000000000000000000000



أبـفـتـخر في قـبـيلة حرب أهل الثلاث المعجزاتـي
نـوادر لحــرب مشـهـوره تـشهـد لربعـي فـعايـلها



الأوله با النقـا والوجـه دون الخـوي علـم و ثـباتـي
يومن نويشي قتل سته و يد خاله من الكتف عازلها



والثانيه الشيخ أبن ناحل صاحب العطايا الجزيلاتـي
أعطا الحذيه لرجل زمال يوم ناطـح الغـزو مقابلها



والثالثه قـصـة البـلالـي يــوم شـال حمل الثقيـلاتـي
أنـقـذ أمانتـه ولد جـاره و ضحى بنفسـه و تحـملها



نعمن بربعي قبيلة حـرب أهل الفعـول الصعيـبـاتـي
كل القبايل ذكــر فعلنا وتبـيــض الوجـه الفاعـلـها



الطيب والصيت كاسبينه من عهد العصورالقديماتي
يـوم الشدايـد وشـد الرحال وفعالنـا الناس تـنقـلها



زحازيح رجال لنا صطوات نخلي المضارب عطيباتي
شـجعـان نـارد حـوض المـوت ماهـمـنا أعـداد نقابلها



حنا هل الشلف وأهل الخيل يـوم الغزو والبطولاتـي
بالحرب صارت لنا جولات باالسيف والرمح نقاتلها



كم ذود قومـن خذيناها بضرب السيوف الصقيلاتـي
وطرح الجنايز نهار الكون تشهـد الحربٍ بكاملـها



أفعـال ربعــي ونـوادرهـا تـذكر فـي كـل الأوقاتـي
لنـا الفـخـر يــوم نـسـمعـها ولازم عليـنا نسـجـلـها