لاتشتكي للناس لوكنت مطعون!!

|| اضحك وفلّ حجاجك اشفيك محزون

دنياك ماتسوى وخذها نصيحه..||

|| مادام مالك ميت ولا انت مديون

ارم الهموم وخل نفسك مريحه.. ||

|| لو كانوا اصحابك يضاهون مليون

نق الكفو منهم وخل السطيحه..||

|| ولا تشتكي للناس لوكنت مطعون ...

والذم من بعض الخلايق مديحه..||

|| ولا تنحني للهم وتعيش مغبون

ترا المريح اهل العقول الصحيحه..||

|| لاصرت صادق قالوا الناس مجنون

مايمدحون الا النفوس القبيحه..||

|| وخلك صمود بوجه الايام دندون

وما حرم الله اثم لا تستبيحه..||

|| والكبر لو به فايده فاد فرعون

ومن ذاع سرّه بشّره بالفضيحه..||

|| والله لو يعطون لك مال قارون

ماشفت نفسك بالغنى مستريحه..||

|| انفض هموم القلب وابليس ملعون

وان ضاق صدرك ارض ربي فسيحه؟!؟ ||





●•


مما راق لي.

شـكــ وبارك الله فيك ـــرا لك ... لك مني أجمل تحية .

شـكــ وبارك الله فيك ـــرا لك ... لك مني أجمل تحية .

عفواً ..سوريم حياك.

أكيد لاتشتكي للناس فلم يبقى إلا شماتين إلا من رحم الله ....

اشكوى لغير الله مذله
شكرا اخي بارك الله فيك

فعلا لاتشتكي للناس يزيدون على مافيك من طعنات الله لايجيب الطعنات
تحياتي لك

موفق بإذن الله ... لك مني أجمل تحية .