ما هـزت شمـوخ الجبـال الراسيـه هـوج الريـاح

الهـيـب ينـبـح . . والجـبـل سفـحـه يـغـازل قمـتـه

مشغول عن صوت الاوادم / كيف يرجع للنباح ؟

مــا هـمــه الـحـاقـد ولا ســـود الـنـوايـا همـتـتـه

كبيـر يـا هـو هالجبـل رغـم : الشتايـم والصيـاح

شامـخ علـى ظهـر البسيطـه والسحـايـب عمـتـه

طالت وحنـا نقـول للمخطـئ فـدا . . مـا راح راح

وأثــــر الـلـئـيـم الياعـطـيـتـه درب زادت هـمــتــه

و انـا يابـو خالـد صبـرت سنيـن ليـن الـبـرق لاح

والارض مطرت و العـرب شـدت و راحـت يمتـه

و الحـر يشلـع يـا حمـد والـلاش يبـقـى بالـمـراح

و اللي ردي اصله يعض ايديـن عطـف(ن) لمتـه

طبخت لـك جاهـل و فاحـت ريحتـه و الطبـخ فـاح

و الطبـخ لـولا ريحـتـه كــان الـعـرب مــا شمـتـه

العـام رزيتـه بظـل و يــوم جـتـه الشـمـس ســاح

الصمـت حكمـة ميـر هـذا عــي وش يصمّـتـه ؟؟

سـلام يـا مـن لبـس الاحـرار مـن طيـبـه وشــاح

يا أبـن الزعيـم الـي جمـع شعبـه وضحّـى لأمتـه

لاهنـت يـا رمـز الشهامـه والتواضـع والسـمـاح

يـا مدرسـه مــا فـيـه عـلـم غانـمـا" مــا ضمـتـه

للشاعر/ زياد بن حجاب بن نحيت الحربي