ترى الزمن سيف على الناس مجرود

السلام عليكم اعضاء منتدانا الغالي حبيت اطرح لكم قصيدتي هذه اتمنى ان تحوز على رضاكم
ماكل ماتبغاه تلقاه موجود
كــــم واحد دورلها ماوجدها

ترجع من الطرقه وخاطرك ملهود
لـــــــــــو القدم بالدرب تبذل جهدها

لاصار دخلك مع هل الدخل محدود
تغثــــــــك الدنيا بكثرة نكدها

بيض الليالي ياولـــد تنقلب سود
تغثرب الايام صــــافي مددها

وانا ادري ان الوقت طارد ومطرود
عزاه ياعـــــــــين سهرها هجدها

عد الشقى مع ساير الوقت مورود
كم واحد من حر مـــابه وردها

ترى الزمن سيف على الناس مجرود
مادام روحك بـــاقيه في جسدها

لاصار باقيلك من العمر مجهود
صل الصـــــلاة الواجبه في وعدها

لاتحسبن ايامها سهود ومهود
كم واحد روحـــه بلحظه فقدها

والخاتمه ياهيه في قبر ملحود
ماعاد ندري كـــــم بقي من عددها

تروح لوطيبك مع الناس مشهود
اللي ذكر سيرتك واللي جحدها

لكن عساها خاتمة خير ياحمود
لحولت روحــــي بداخل لحدها

ابيات جميلة صح لسانك نسأل الله حسن الخواتيم

صح بدنك ياخوي السرب والله يعطيك العاففيه

صح لسانك وبيض الله وجهك .......

جميل أخي سويلم وسبق لي أن قرأت هذه الرائعه لك
صح لسانك...وبأنتظارجديدك’’

ترى الزمن سيف على الناس مجرود
مادام روحك بـــاقيه في جسدها

لاصار باقيلك من العمر مجهود
صل الصـــــلاة الواجبه في وعدها

لاتحسبن ايامها سهود ومهود
كم واحد روحـــه بلحظه فقدها

والخاتمه ياهيه في قبر ملحود
ماعاد ندري كـــــم بقي من عددها

تروح لوطيبك مع الناس مشهود
اللي ذكر سيرتك واللي جحدها

لكن عساها خاتمة خير ياحمود
لحولت روحــــي بداخل لحدها

من جد روعه

شـكــ وبارك الله فيك ـــرا لك ... لك مني أجمل تحية .