قصيدة للشاعر ابراهيم الحربي

الاوله ترحيبت(ن)نفحها هيل ...بالشيخ عبده شيخنا والقبيله..
تسري مع البراق وتنورالليل..ورعادها يمسي ثلاثين ليله..
والثانيه ماسيرت طيب الخيل ..لك ياخضر راع العلوم الجميله.
والثالثه ما جر صوت المواويل ..ترسل لبو عزام راع الاصيله.
والرابعه ما رحبو بالمشاكيل...تهدى لشعار البيوت الثقيله
-----------------------
ابداعات من الشاعر حمزه
ياحرب والله من زبن فيك مايخيب...الذل ماله في ربوعك مكاني
...الذل ماله في رجالك تراحيب...والعز فيهم من قديم الزماني..
.ياحرب ابطالك تعداهم العيب...تاخذ من جزال العلوم السماني.
..مادام لك شيخ(ن)يعرف المواجيب...ويعز ربعه بين قاصي وداني ..
.صيته وفعله فوق روس المراقيب...ومكانته بين الضلوع المحاني ..
..لك الفخر قايدك هو منبع الطيب...تزين في وصفه جميع المعاني

-----------------------

الشاعر محمد الراجحي

مرحبا يالاحمدي بين اهلن وصديق
مرحبا عد السحاب تاصلك ياعزوتي

ياهلا يامسندي وانت مكسب للرفيق
واتشرف يالخوي يوم تقبل خوتي

-------------------
الشاعر حمزه
لاهنت يامنجي صديقك من الضيق.يامسندي يامحزمي ياعزوتي.
باخوتك كني على قمة طويق.ارفع بها راسي وتكبر هقوتي

الشاعر حمزه
في طيحتك من المرض ضاعت علومي .وهلت من عيوني دموعن غزيره
انتي هنا عمري وجلاء لهمومي...انتي عمود البيت ووجهك ينيره
بطيحتك زادت عليه همومي....وماعاد زانت لي امورن كثيره
هليت دمع العين وقلت عزومي....وصار في قلبي جروحن كثيره
واليوم هل دمع عيني ركومي.....فرحان بخروجك لنا يالاميره

----------------------

الشاعر حمزه
ياحرب والله من زبن فيك مايخيب...الذل ماله في ربوعك مكاني..
.الذل ماله في رجالك تراحيب...والعز فيهم من قديم الزماني.
..ياحرب ابطالك تعداهم العيب...تاخذ من جزال العلوم السماني.
..مادام لك شيخ(ن)يعرف المواجيب...ويعز ربعه بين قاصي وداني ...
صيته وفعله فوق روس المراقيب...ومكانته بين الضلوع المحاني ..
..لك الفخر قايدك هو منبع الطيب...تزين في وصفه جميع المعاني
هذي اهداء لقبليتنا وشيخها الشيخ عبده والمعذره على القصور

---------------------
الشاعر ابراهيم
الهاجس اللي فيه معنى وترحيب..وقف على جزل البيوت السماني ..
.يمدح بني عمه على العز والطيب ...وشيخ(ن)بنا للطيب خير المباني .
..لا يقرب الهزله ولا ياصل العيب ...وتبطي عيون اللي من القهر شاني ..
.وحمزه مدح ربعه كبار المواجيب...يستاهلون المدح قاصي وداني...
وحنا الحزام اللي عليه المطاليب...وحنا ليا شانت وجيه الزماني...

--------------------
الشاعر حمزه
من جزيل المعاني جاك جزل الكلام...فيه معنا الشموخ وفيه معنى السلام.
..في غلا الشيخ موسى جت بنات القصيد ...تهدي ابياتها في مدح مثله وسام
يامرحبا ياشيخ بين اخوانك...وانا اسأل المولى يعلي شانك...
يامرحبا ترحيبت(ن)عطريه...يزفها حمزه على بيبانك

-----------------------
الشاعر محمد الراجحي

ياصاحبي ماني بوحدي بالشعر
لكن قسمي ماخذه فضل الكريم

ولاكتبت الشعر من شان اشتهر
ولاكتبته لجل اعجاب الحريم

اسعد ليا بيتي تطاروه البشر
واحزن ليامن طاح في ايدين الغشيم

تدري وش اللي داخلي وحده كبر
ياصاحبي الهم والله العظيم

شوف الامل في شوفتك عمره قصر
شوف الحزن ياعمري اصبح بي مقيم

مهو مطراللي على صدري انهمر
هذي دموعي سبة اشواقن جحيم

هذي حروفي جاتك ومنك العذر
ان كان وضحتك ترى قلبي هشيم

واحرص تظلك حبي اللي مستتر
يبقى الرجا ياغايتي ربن كريم

-----------------------
الشاعر حمزه
البعد عن بعض العرب فيه خيره///
ترتاح من هم البشر والاقاويل///
تلقى لهم في دفتر الشر سيره///
غيبه وذم وهتك وتهاويل///
مشروبهم ويسكي وسنير وبيره///
مافيهم اللي يشرب البن والهيل///
كبيرهم تلقى حياته مريره///
على الطرب سهران في تالي الليل///
مايسمع الا هند ونجوى وسميره///
ويرقص على صوت الطرب والمواويل///
والبعد عن بعض العرب فيه حيره///
وقفاتهم مثل المزون الهماليل///
تمطر على العربان في كل ديره///
وتسمع لهم في نصرة الحق تهليل///
تلقى لهم فزعه وشيمه وغيره///
واعراضهم عنها سيوف(ن)مصاقيل

--------------------------
العيد هذا ياعلي صار عيدين...والفرحه اكبر من كلام (ن)اقوله.
..العيد الاول عيد كل المصلين ...والعيد الاخر هسترت بي فصوله
...بقدوم فوفو راعت الحسن والزين...اللي لها في القلب صوله وجوله
...بنيتي يااحلا من الخوخ والتين...يااحلا من الرمان باول فصوله
...ياارق واندى من غصون الرياحين...حبك سكن في القلب عرضه وطوله

---------------------------------

الراجحي
يسعد صباحك ياسمو السعاده
لولاك مال الصبح في خاطري شف!

لك في خفوقي ياحبيبي سياده
يسعد صباحك عد مالطير رفرف!

---------------
ياصاحبي والله ماني بمجنون
لكن وقتي كثر الله خيره

كذا صلبني بين آهات وحزون
تشوف عيني مير يدي قصيره

وانت تعرف اني وفين ولااخون
عشير يوفي يعتني في عشيره

مجنون غيرها انا بس مفتون
في حب من هي في حياتي اميره

مدري ولكن ياعسى يومن يكون
احلامنا تكبر ولوهي صغيره

مجنون ياغالي على الروح وتمون
ياواحدن ماني بسامح لغيره

تعالني في جيتك تشفي طعون
وتبدل احوالن بدونك مريره

وان رحت من يدي اباسير مجنون
واقول وقتي دوم ماذقت خيره

كيبورديه

-------------------------
من قص يد العروبه وسيح الدمي
لابارك الله ابملوكن ماتعالجها

الزاد زاد المهونه وشربنا السمي
والرجل تاهت عسى تلقى مخارجها

ولابارك الله بشعوبن مالها همي
ياغير رقص وطرب زايد تبرجها

والفتنه اللي تفشت ياولد عمي
ياكثر ابطالها والغرب مخرجها

حكامنا بين راضي بين متغمي
تبلدت وان حكت يظهر تسمجها

بالمختصر ياعرب بالكيف والكمي
مابقين للعرب الا تحججها

يالله بنصرن يزيل العار والغمي
عبدك رجى قدرتك يارب تفرجها

-----------------------

.هذا رد على قصيدة الشاعر نايف الشهري المرسله للشيخ عبده بن مدرمح الحربي ...
من الشاعر ابراهيم الحربي


سلام يانايف تحيه وترحيب ...من حرب روس المرجله والزعامه...
لك يا عريب الجد راع المواجيب ...الكفؤ مثلك عندنا له كرامه ..

ونتم بني شهر الكرم منهل الطيب ...من فعلكم بالطيب تشهد تهامه ...
جتني حروف الشعر جزل المكاتيب...ونا برد بقاف يزها مقامه ...

والذيب يعوي فوق روس المراقيب ..ولاينكسر له لاظلم الليل هامه ...
من هاجس المعنى تجي لك بترتيب ...جزل الكلام اللي يفي بالتزامه ...

يا مرحبا ترحيبت(ن)كلهاطيب.بديار حرب الكل يبدي سلامه ...
تقلط على هبات ريح وتراحيب ...في لابتن للطيب تاج وشهامه...

وبن المدرمح شيخ يوم المغاليب ...له موقف(ن) يبقا مع الوقت شامه...
ريف الخوي والجار ريف المعازيب...شيخ(ن) ليا جا الصف صعب انقسامه ...

---------------------------
على مشارف اربعيني ولازلت
اهيم في دنيا تعلم بها دروس

لي خط واضح عنه مايوم قدملت
لي فعل باين بين الاجواد ملموس

خذت الوفا عاده إلا يوم ماقلت
خذت الكرم عنوان مادام ناموس

غير الجميله ماخبر دوم قد سمت
ادفع لهامن حال زودن على فلوس

في مجلس ايامي الخوالي تعللت
وخرجت من سود الليالي بفانوس

فانوس ذكر وفكر من سبته طلت
عليا نجاحي من وسط رحم ميؤس

ماهي جديده مير حظي ومانلت
لوني سعيت لكل غالي وملبوس

دنيا بها ياما صبرت وتجملت
فيها اختلاف الفكر لاتغرك الروس

للهرج حزه لويطرولك الصمت
والفعل سهم وحسن توقيتك القوس

جيده ويهديك النتايج مع الوقت
تاثيره اقوى من شجر تقطعه فوس

كم ليلتن من زين الاحلام قد فقت
وكم ليلتن قضيتها بحضن كابوس

ياما اعترضني في طريقي وكملت
وياما وقفت ودربي بالورد مغروس

واجمل علاج الضيق ياصاح لاضقت
تراه بعبادة عزيزن وقدوس

على مشارف اربعيني تعلمت
ان الحياه دروس مخفي ومحسوس..
.
قصيدة الراجحي صح لسانه

---------------------

قصيدة للشاعر ابراهيم الحربي

روايع الابداع تبقى لاهلـــــها
****تبقا ولو يجهل بها نايد الناس

****اللي تطوع من صعبها سهلها
ودرب الصعب باقدامها دوم ينداس****

لاتطلب الشهره ولا تنتحــــلها****
وافعالها يا صاحبي ترفــــــع الراس****

لها عبير الورد يســـبق نفلها
****ولها الوفا منا مع طيــــب الاحســـاس

ولها الكفوف الله يطيب عملها
****والطيب لا يفنــــى ولاهو بينــــــقاس

****والقمه الي منتــدانا وصلــها
****نتاجها من فكـــرة ابداع نبــــــراس

****روايع الابداع تبقى لاهـــلها****
تبقى ولو يجهل بها نايد النـــــاس

--------------------

قصيده للشاعر حمزه

كل التجاره فيها ربح وخساره
احيان لك مكسب واحيان مديون؛؛؛

تفرحك تاره وتزعلك تاره
وتكون متضايق وعابس ومغبون؛؛؛

من جاب له قرشين يقول بشطاره
واذا خسر يقول ياربي العون؛؛؛

احيان لك فله وقصر وعماره
ورصيدكم في البنك عشرين مليون؛؛؛

ولا خسرت الاسهم تحس بمراره
تتضايق وتسهر والناس يمسون؛؛؛

تعال وادلك على اربح تجاره
تجارة(ن)فيها البشر مايخسرون؛؛؛

لا سمعت صوت الحق بعالي المناره
احرص على اول صف مع اللي يصلون؛؛؛

ودين ربك لاتضيع مساره
تراه لك مكسب وهو ربح مضمون؛؛؛

--------------------

الشاعر ابراهيم الحربي

ان غبت يمكن في غيابي معاذير ...
ويمكن ضروف الوقت تحكم علينا ...

نحمل مع ضيق الزمن نية الخير ...
واخوانا ملزومهم ما نسينا...

ان جابنا اللازم لفينا مسايير...
ووقت الغياب الله يستر علينا ...

نقطع فجوج الارض ونغيب ونسير...
وتخفي لنا الاقدار عن ما درينا....