مات الغرام

الكون ياوسعه وياضيق صدري
والدمع في عيني هماليل وامطار

اعرف سلوم القوم من طلع فجري
في ديرتي مثلي وفي كل الاقطار

لكن قسم بالله قد راح عمري
مثيل منهو هد طيره ولا طار

ابحث على من موجها فوق بحري
والا نصاني ضيف هي شبة النار

ماني مدور فالخفى حب عذري
ولامدور غلطتاً من ورى جار

لامال يغريني ولاجاه يغري
والشاهد الله كاتباً كل الاعمار

ياليت كل الناس تعرف وتدري
عن كل عاشق كم تكبد من اخطار

مات الغرام وراحت ايام صبري
شفته وانا حطيت فالنعش مسمار


حمدان المالكي