أبد ماجيت أبارك لك ولكن جيت بوصّيك..
على الله ناوي تدخل بهاللّيله معذّبتي..
ترى لولا الظروف اللّي عطتك وحدّت محاكيك..
قسم بالله ماتدخل عليها لوْ على رقبتي..
ولكن النصيب أقوى ولاأدري وش أسوّي فيك..
نعم صارت معزّبتك ولا صارت معزّبتي..
كذا شاءت بنا الأقدار تحْرمني لأجل تعطيك..
كذا لازم عشان تفوز أنت أخسر بتجربتي..
تراها غاليه بالحيل وتكفى والله يخلّيك..
تدلّلــها.تدلّعــها.تنسّــ يها مصاحبــتي..
...
أنا من كثر مااغليها أحس إني بديت أغليك..
ولا تسأل بأيّة حق ولا وشّي مناسبتي..
لأنك لوْ بتسألني بتسمع شي مايرضيك..
لذا ياخويْ لاتسأل ولاتسمع لأجْوبتي..
أبيك تحطّها بداخل عيونك وبين يديك..
وهي دلّوعه إعتادت على كثْرة مداعبتي..
فداعبها شويْ شويْ حتى تشتهي طاريك..
وشاغلها إلين تقول لك بطّل مشاغبتي..
وإذا هي مالها خلقك ولاتضحك والنسّيك..
تحمّلها وإسألها.ياعمــــري ليه عصّبتي..
...
مايحتاج أورّيك بفن الضــــــــرب موْهبتي..
صحيح إنك بتمْلكها ومعك الصك بالتمليك..
وأنا عارف حدود الله ومن حقّك معاقبتي..
ولكن قلّها المجنون وصّاني وهو يعنيك..
يقول إنه بينتظرك ولوْ شيّب وشيّبتي..
وأنا مجنونها اللّي مانساها وأنت مايمديك..
تغطّي ذكرياتي في هواها وربع تجربتي..
أحس إني تماديت بكلامي والغضب حاديك..
ولوْ إنك بمكاني ماتفكّر في محاسبتي..
...
كفاك إني تركت اللّيله أشغالي عشان أجيك..
دخلت القاااعه برجلي ولاأدري وشْ عاقبتي..
وأنا ماجيت أخرّب عرسك اللّيله ولا أأذّيك..
أنا جيت عشان أخاطبك وتسمع مخاطبتي..
توصّى وإنتبه وإحرس عليها الله يهنّيك..
ترى كل الكلام اللّي طلع من ضيقي ومن كبْتي..
ولكن ماقدرت إني أقوله وأنت مايخفيك..
أخاف إني إذا قلته تقوم وتقطع رقبْتي..💔