حسره فؤادي نارها تشتعل ضيّ
ودموع عيني بالمحاجر رهينه

عمري قضى مابين ميتً وبه حيّ
ماتفرق ايام الفرح ما لحزينه

اونّ من جور الزمن وافتكر شيّ
مضى وكان وكانت اجمل سنينه

واليوم تشرق شمس لكن بها فيّ
مابه ظلال وشمسها مستبينه

جمر الغرام الي كوى جرح به كيّ
قصده يعالج جرح زايد ونينه

ضامي وادوّر من بيسقيني الميّ
صوتي صداه اجتاز سور المدينه

العشق طاويني وانا منطوي طيّ
طية عشيرً غاب عنّي حنينه