جو الخميس اللي تزين بالمطر
هلت سحاحيبه غزير مزونها
ياللي مسافر لا تسافر وانتظر
شوف السحاب تهل دمع عيونها
اللي يبي السمره ترو حل السمر
خل النفوس تبيح عن مكنونها
ونا صفا جوي ومديت النظر
عيني بعيده والعرب من دونها

الشاعر ابراهيم الحربي

----------------------------


يامرحبا والله بهتان المطر
والمزنه اللي بيحت مكنونها
صوب الخميس اليوم مديت النظر
فوقه سحابه هل دمع عيونها
هيا خذ العزبه وعودٍ من سمر
ونسمر على ريح الثرى بمتونها
هذي الديار اللي تنومس من حضر
وقت الربيع الله يكون بعونها
كثر البشر فيها على مدٌ النظر
وناس ٍعلى التطعيس جنّ جنونها
وخلّ السفر يابوعلي لأهل السفر
الدار هي عشقي وانا مجنونها

الشاعر/حمزه الحربي

-------------------------

جو الخميس اليا على بالي خطر
رددت نفسي ياعسى الله افعونها

لا تبلش اللي كن أشواقه جمر
والنفس ياابراهيم زاد احزونها

اكتب سطر من جد وامحي لي سطر
واسج بطروق الشعر والحونها

ذي ديرتي واجواءها دايم عطر
يهناني اشمه واموت افلونها

الشاعر / محمد الحربي

-------------------------


زان الكلام وزان مفهوم السطر
وزانت بيوتن والوفا مضمونها
هل المطر ياديرتي وانا انتضر
يشرح نفوسن ضايقة انفوسها
جتني مقاطع ثم تتبعه الصور
وجتني بيوتن سارية مفعولها
ياديرتي وش حيلة الي ماحضر
دار الخميس مزينة من حولها
نفسي تراودني على فعل الخطر
لاكن رقيبي دارين بيحوسها

الشاعر / ريان الحربي

----------------------------

بسم الله المعبود خلاق
البشر
ابدأ القصيدة وأنطرب
بلحونها..
الشعر مثل البحر غدار
وخطر
وانا اهتوي غوص البحور وعومها..
ما ذقت طعم النوم من بعد الخبر
اللي حرم عين إبن صالح
نومها..
ما بهتني بالنوم بديار
الحضر
وصوت الرعد في ديرتي من فوقها..
ماهمني بعد المسافة
والسفر
لولا العمل سقت القدم
لعيونها..

الشاعر /

وليد محمد الحربي

-------------------
سلام ي ربعي وانا لي الفخر
اجاري الشعار في مضمونها

دار الخميس الي تباهت بالمطر
سالت شعايبها وحالت دونها

وانا على شوفة دياري مانتظر
ياما شخفت الجيب لجل عيونها

واليوم ممطوره ورويان الشجر
من زينها كل البشر ينصونها

يادار يادار النشاما والظفر
دار الرجال الي حامين حصونها

واليوم امان وخير مايوجود فقر
نعمه من الوالي تبي من يصونها

وختامها من تحيه يالنشاما واعتذر
كاني مقصر بالقصيده والحونها

أبو بندر