الشاعر محمد احمد الحربي ييوح للوطن

صحيفة بروز. خميس حرب. راجح الحربي

هذه قصيدة للشاعر المبدع محمد احمد الحربي عن عزة الوطن وشموخه بعنوان ياسيدي سلمان تفداك الاعمار

قواتنا تضرب وفي كل الاقطار
ياراية الاسلام ابقي منيفه

مادام لجلك قايد الحزم قد ثار
ثم شاش جيشه يوم قد سل سيفه

ياسيدي اضرب بنا كل غدار
خله يذوق اليوم من كاس حيفه

الموت ماهو ياملك ضمن الاخطار
دامه لاجل الدين حن مانعيفه

مايستوي ياسيدي الذل والعار
بصدورنا والنصر مثلك حليفه

نحيا كبار الشان وان متنا اكبار
ياسيدي والحرب ماهي مخيفه

لانها لنا يالصيرمي دايمن كار
انفوسنا في طاعة الله خفيفه

وياهل الدعاوي علموا اليوم بشار
سلمان جاه ولا حسب للكليفه

الساطي اللي في هقاويه مغوار
عن نصرة الاسلام ماشاف شيفه

ياسيدي شف دمع ذا العذرى مدرار
وشف كيف جرح الطفل صاير نزيفه

شف شايبن يبكي ورى كومة جدار
دمعه على خديه يهطل ذريفه

اضرب فنعش الفاجر الفين مسمار
بك الرجا يابو النوايا الشريفه

انت الغيور وغيرك اليوم ماغار
خلص شريف وأعتق اللي عفيفه

نسل السعود اهل المراجل والاحرار
عود الجزيره وانته العز ريفه

الله وهبنا اياك للحق بتار
نظرة سموك في عدوك عنيفه

ياسيدي سلمان تفداك الاعمار
ادب بنا اهل النفوس الضعيفه

اشوف الزمن يابوفهد كنه قد دار
ونصبك للاسلام درع وخليفه

ابتل معك نحميه هالدار واديار
فيك الامل مجدن جديد وتضيفه

ومن يرقب الاخبار تاتيه الاخبار
مادام سل اليوم سلمان سيفه


http://www.boroz-sa.com/?p=66695

شكرا على النقل

صح لسان الشاعر

تقبل مروري. ...

صح لسانك يالشاعر. .......

ونعم بالشاعر وصح لسانه وشكرا للناقل
ومليون ونعم فيه....

صح لسانك يالشاعر لك كل شكرا