فوق السحاب


ياهيه شوف المشكله فوق السحاب
من شافها مايستطيع يشلها

الناس ماترحم ... ضعيف ولا مهاب
تعصف بناسً لاجل تشفي غلها

المشكله ... تبغاني ... اقفل كل باب
وانا وحيد وحالتي تحزن لها

والي كسرني ... طيبتي قبل العتاب
ماصرت اميّز دقّها من جلها

والله وبالله .. ماقصدتك ... بالجواب
لكن ظروفي بالغصب تحتلها

المال يعمل كل شي حتى السراااب
والفقر لامن جاء سيوفه سلها

ياهيه شعر الراااس مالتفكير شاب
في ناس دايم ياعسى ولعلها

اومر عليه وابشر... امرك لي مجاب
وقول بل ايدك وانا بابلها

قول وفعل والذيب .... يتحدى الذياب
ماتقصر افعاله ويعجز حلها

هذي علومي .... وانت لك رد الخطاب
واحسب حساب الشمس يغرب ظلها


شـعـــــــر
حـمـــ المـــالكي ــــدان