ولاتحزن
ولاتحزن
كلمات فيصل العطاوي
ولا تحزن على حزة مغيب الشمس عن دنياك
تغيب وعذرها تاخذ صباح الغير من ليلك
ولا تحزن اذا ما غنت الدنيا على ليلاك
تبسم وانتظر يمكن يجي يوم وتغني لك
ولا تحزن على ارضك اذا صار الوطن منفاك
تمسك با خر ترابه الى ان ترابه يشيلك
ولا تحزن على اسمك ولا شكلك ولا منشاك
تفاصيلك تكون احيان ما تحمل تفاصيلك
ولا تحزن اذا صرت الغريب بطبعك ومبداك
مادام الحلم حلمك لازم التاويل تاويلك
ولا تحزن اذا مافيه غير الذنب شي ابكاك
دموع لغير وجه الله ما تسوى مناديلك
ولا تحزن على نفسك اذا احرمتها مشهاك
يا كبر الفارق اللي بين تنهيلك وتهميلك
ولا تحزن اذا ما باقي الا ايديك في مخباك
نصيبك كاتبه ربي يجي لك غصب بيجي لك
ولا تحزن لو اصحابك ورا ظهرك تصير عداك
ورا ظهرك بتلقى ناس تفرح لك وتدعي لك
ولا تحزن على اللي ما نسيت انه قدر ينساك
تاكد من يضحي فيك لا يمكن يضحى لك
ولا تحزن اذا تزرع ورود وتجني الاشواك
يجوز العيب من تربتك ماهو من مخاييلك
ولا تحزن على عثرات عمرك جعلها تفداك
تشوف القادم اجمل كل ما توقف على حيلك
ولا تحزن اذا ما انصفوك الناس في محياك
تموت ويسرفون الناس في مدحك وتبجيلك
ولا تحزن اذا ما راح احد يحزن على فرقاك
من دروب الفراق اختار دربا ما يودي لك
ولا تحزن ولو حتى يصير الحزن من سيماك
ترى الافراح تعني لك لك لان الحزن يعني لك
رد مع اقتباس
