الجو {رايق}. وفي هبته نسناس
والهواء في هبوبه شمالي

ولا عاد بالبيت ،، حل ومجلاس ..!
ودنا نحوم الخضب والرمالي

شوفوا حرب كلها اشكال واجناس
حتى ترابها فواحة .. دلالي

هاذي ديرتي تسوى ذهب والماس
ما بعتها لو جيبي صفالي

لابتي من تحداها بالكود ينحاس
ماللهنا في حياته مجالي

لابتن معاديها على الوطا ينداس
كرامته مثل عبيد الموالي

وربعي هل الطيب وللكرم نبراس
انخى واحدن وتفزع رجالي

الحمدلله انه خلقني حربي الساس
والعرق وافي ولابه جدالي

أسوق التراحيب عد بيارق الكاس
للي لفانا وصدورنا ضلالي

يا مرحبا ترحيبه تشمل .. الناس
ترحيبه من طيبات النفالي

من شاعر بوح مكنونه الهوجاس
والقاف في نظمه حلالي

بقلم عبدالعزيز شاووش حسن الحربي