ساري مع الليل ساري

ساري مع الليل ساري
ودروب عمري شقيه

تصفق يميني يساري
يالفاتن العسجديه

ازريت وانا اداري
جروح قلبن خفيه

وانته ولا كنك داري
بعدك ترى حر كيه

ابكي وتبكيك داري
يالجادل اليوسفيه

دمعي على الخد جاري
والشوق كمل عليه

واللي من الله جاري
لوهي عزومي قويه

جاتك علوم انكساري
عمري ولب القضيه

وصلك تراه انتصاري
تشحذ يدينك يديه

احفظ بقربك وقاري
والطف بروحن وفيه

يوم الامل فيك ساري
مابين صبح وعشيه

في وسط حضنك قراري
اقبل بنفسن رضيه

بعدك تراه احتضاري
ولاماك لذه وفيه

يازين طال انتظاري
ماعادبي مقدريه

فرقاك طعن الشباري
ودربن لحوض المنيه

ولاماك روح ازدهاري
وسعادتن سرمديه

ياللي بحبك اماري
اقبل دخيلك عليه

دام الوفا لك شعاري
عود ياعيد الضحيه

محمد احمد الحربي
ابوشامي

صح لسانك.....

جميله جدا ....صح لسانك

تقبل شكري.....

عساك على القوه....

بالتوفيق......

موفق إلى الامام