نخبوية شاعرك تحيا احتضار
كان تنشد ويش علم النخبويه

والنظر في بعض الاشيا حيل حار
فاقده ارواح الاشيا الجاذبيه

كان بي دافع ينمي الابتكار
ومات يومن طاح من راحة يديه

كاتمن مكنون صدري بالزرار
يوم مثلي ماحفظ سره خويه

أيه عمري بين غار وبين نار
ومن نشد كيفك اردد ماعليه

واتأمل كيف هذا الطير طار
وكيف حال الوقت به صبح وعشيه

قارنن مابين عفون باقتدار
وبين عفون تحت جبر وعنجهيه

واتمعن كيف دفن الميت صار
من بشر والطير مصدر مرجعيه

كيف قطر الغيم مازاد البحار
واغرقت جرد البقاع الجرهديه

جل من عز الذكر من الاندثار
حافظه في وصف حاله سرمديه

طالبه ما انهان في وقت اختبار
وان طميت ابقى بعز ومقدريه

جعلني لو ناشني يوم انهيار
انهيار ان قل من فوق الثريا

يابديع الزين طاويني حصار
غيبتك يوم العشم نفسك وفيه

والله اني لو قويت الانشطار
عشت في نصفن ونصفن لك هديه

انعش اللي جيتك له الازدهار
وكفكف ادموعن على خدي نديه

لاتحقق للعواذل انتصار
كيف تحكمني بلا ذنب وخطيه

يوم ابو شامي حبيبي باختصار
واحدن في منزله دايم عليه

ابوشامي