سلام الله على جمع الرجال اللي كبار قسوم
وفا والطيب ديدنهم هلا في محفل الاخيار

هلا واثني تحايا الود يامرحب بجمع القوم
رجالن سطروا الامجاد ماتوفي بهم الاشعار

هلا في محفل الوافي ابن بركات يازيزوم
انشهد والبشر تشهد عزيز وعالي المقدار

مراحب عد ماهلت وسارت في سمانا اغيوم
على وضح النقا مرحب بمن هم عندنا حضار

هلا تنساق من صدق المشاعر ياعرب وتدوم
لابن شهر العزاز اللي لفوا في محفلن للجار

واحيي بك رفيع الشان عريب الاصل والمحشوم
بن معيض الوفي مصلح عدد ماتنبت الازهار

هلابك يالسمي ارحب عداد الطير ماهو يحوم
قبايل آل غيلان ونسبهم في علا الاقمار

رجالن للسطر وتشوش تحمي من غدى مضيوم
هل الطاله هل القاله كرام وللوفا تذكار

ولاني ناسين حامد صليب الراس يالمحزوم
بن حسين الشجيع الساطي البادي وشيخ كبار

وربعه من بني شهر الذيابه مالحقهم لوم
قبايل آل يعلا من غدوا في مجمل الاقطار

حكاية طيب طاريهم اهل فزعه وأهل سلوم
تدرس للبشر بيرق مراجل كلهم احرار

وحي الله بني عيسى عدد ماهي تشع انجوم
هلا ترحيبتن عطره هلا بمشرفين الدار

رفاقة درب والسيره مهي من امس ولا اليوم
محازم عز واصغركم صميدع مايهاب اخطار

على فرش الكرامه يامراحب يارجال اقروم
بني عيسى بعيدين النظر تفداهم الاعمار

واهلي في سمي غالي وصدري بالغلا مزحوم
كريم المد راعي جود وافي ماحصل قد بار

حسن موسى عريب الساس قرمن باللزوم يقوم
ربيعه لابته ذكره يشابه ريحة الاعطار

من ازحول الرجال اللي لها فالموقف المحتوم
مواقف طيب شجعانن تنوخ كايد الاقدر

ولاني مادح بشعري سوى واقع وهو معلوم
رجاجيلن بها شعري تفاخر والحروف شعار

لشاعر ماكتب هزل القصيد اللي يجي مثلوم
تنقى من فريد ودر واقبل يعلن الاخبار

وانا حاشم سمان الهرج ماتلفي ابد برخوم
ذكرت اللي قبل قافي مراجلها هوى الانظار

هلا فجمع الرجال وحبها امره تروا محسوم
على ازرق عود حياكم وفنجالن معه يندار

مهيل بالغلا مرحب على على وجه الزمن مرسوم
طبيعة حرب من مبطي تعز اللي وفي اشبار

وحنا حرب حرابة دول كفون ندق اخشوم
عزيزين الجناب اللي ربينا اكبارنا وصغار

على مجد وعلى هيبه على باسن وقو عزوم
على طيب وسخا والجود فينا دايمن مدرار

جمعنا طيب السيره محمد مجلسه منضوم
سخى جودو وفا فطره محبه خصها الزوار

حسين الطبع بن بركات كامل كن له مقسوم
جميل الفعل ماعمره عن الواجب لفا باعذار

تزهل للثقيله واقعن ماهو أبد بحلوم
محقق فوق ما أمل احد درب الجميل أختار

حزام ودرع جنب وبيت حكمه ماخبرت ايروم
سوى جزل العلوم اللي تطرى ماعليها غبار

ولا جيته سوى طيبه وله حقن وانا ملزوم
ازوره واذكره بالطيب دامه وافين مغوار

وابارك له واشارك في زواج الساطي المغروم
بزين الفعل واجزاله صميدع سيفن وبتار

عريس السعد بركات الكفو من له عظيم سهوم
تميز والعرب تشهد نسل حرن خلق بيطار

ومن طيبه وطيب اصله لفوا له رفقته هاليوم
رجالن وافيه ماهي بتحسب بعد للاسفار

هلا في اخويا بركات يامن من سطرها اتعوم
بحور الطيب من طيب النسب يامرحبا تكرار

وانا قد جيت في جزلن تخيرته غلا مختوم
يقدم من وفا لاهل الوفا طنخه ولا احتار

وكيف احتار في مدح الرجال الفارقه بالسوم
واذا بحر الشعر مرعب فانا ياربعنا بحار

واخيرن ياصلاة الله على طه عدد مانصوم
عدد ماتنبت اشجار وعدد ماهلت الامطار

ابوشامي