قصيدة البدع للشاعر محمد الحربي


صوت وصدى بيني وبين الجزل بندر رجا العويضي

من قال بان السيل يبطي على ماش
السيل مايخره ياغير كبره

ومن قال بانه الامل قطعة الشاش
الشاش فرحة كسر رجواه جبره

او جرح والأغلب من ايدين غشاش
مافاد به طب المطبب بأبره

نثرت لك بعض اللذي بهذل الجاش
وانت اللذي له في معاني خبره

ورمزت لك مالا يترمز ولو طاش
يطيش عن غيرك وفي يدك سبره

ان كان منته ابضحيه للاوباش
اطرب بموالن مواصلك نبره

أرمش ولا هي عادتي يوم رماش
متحايلن دمعن عسى ارد نثره

لو السعاده دين أو حاصل الكاش
يمكن مع الايام دورت دبره

بعطيك صوره ماهي والله بفلاش
للي اعيشه لجل ماعاد تشره

ماني بصاحي يالغضي شبه حشاش
خليتني بالصد لاعداي عبره

مشاعري ماهي بحي الله اعطاش
عساك سيلن مير مبطيه كبره

سيل المواصل صاحبي خير أنعاش
للي فحضنك عل تهديه قبره

ابوشامي
--------------------------------


ياللي نظمت الحرف ب ابره ومنقاش
سيل القرى مثلي برجله يعبره

شاعر على حبك التفاكير معتاش
ودكتور اداوي كل عله بصبره

وتاجر مع التجار في سوق الادباش
وما كل بيضا يابيض الوجه هبره

واللي يقول العج يأتيك برشاش
قول القلم وش عاد لا جف حبره

الفيش مايناش وإن قلت يناش
قلنا يا ريختر شوف مقياس صبره

وإن كان فكرك تالي الوقت منداش
شبر الوفاء ماظن غاويك شبره

الوصل لو ترشيه ما قيل لك راش
وإليا بخصته طاح ريشه ووبره

والظلع فيه الذيب ياحضرة الباش
وحنا مع المقناص رحنا بوبره

ترى الردى بيتن سكن جوفه اللاش
اللي على السالين باسه وجبره

إن كان طيرك طير زاجل ومطراش
ذكه بلا قبله ولو زاد غبره

لا عاش راسن يقبل الهون لا عاش
ولا عاش راع الكبر من زود كبره

وإن كان لك عشير مقفي ومنحاش
خله على خبرك ولا عاد خبره

بندر العويضي