الصمت كسر في ضلوعي المجاديف
وأشعل حرايق تلتضي في خفوقي

طعنة غدر جتني مثل طعنة السيف
أنهت مصير الحب يا بنت فوقي

هذى حياة ما تجينا على الكيف
سجت بنا مابين غرب وشروقي

على الردي يا ريف لاتنطق الحيف
سحابة سوداء عسى ما تعوقي

شحت بغيث الحب يا ريف ياريف
ولا عاد به رعد ولابه بروقي

ولوهو على جرحي بحطله مغاريف
ينزف معه دمي وتيبس عروقي

صابر معاند ما تهزني التصاريف
عندي قناعه الحب منقص حقوقي

و ينقص الانسان كثر التزاييف
متغطرس بالكذب قلبه نفوقي

سقيطة والقول عنده تساويف
مثل الغراب اللي يحب النعوقي


ملاك الروح