المساعد الشخصي الرقمي


مشاهدة النسخة كاملة : قصيدة نحس للأمير عبدالرحمن بن مساعد



حربي وكلي وفا
03-07-2010, 12: AM
السلام عليكم ورحمه الله وبركاته

هذي قصيدة معروفة للشاعر القدير : الأمير عبدالرحمن بن مساعد .... ودايم ماتخطر في بالي ... فحبيت تشاركوني جمال المواقف في تلك القصيدة


يوم الاثنين اغتنى .. وصار بين الاغنيا ترتيبه الثالث
يوم الثلاثاء الفجر .. مات في حادث


,,,,,,,,


فريق كورة .. دائما ً ترتيبه في الدوري الاخير
واذا لعبوا واستبسلوا .. قبل الاخير
وبعد السنين الممحلة . جاهم رئيس ثروته كثر التراب
عيّن مدير .. عنده من الخبرة كثير
شال الكبار ولعّب شباب
وجاب المدرب اللي له اسم ٍ مهاب
واتقدموا .. وصلوا للدور النهائي
ويوم النهائي .. قبل المباراة بدقايق
في البلد حصل انقلاب


,,,,,,,,


مسكين .. شين وفقير
وفي الدراسة حاول انه يستمر .. ومااستطاع
وضعه صعب ..ابوه مات وهو صغير
وماترك له الا الفقر .. وامه واخته .. والهم من فوقه وتحته
ومالقى لجل الهروب من الضياع .. الا انه يدور وظيفة .. أي وظيفة
ولقى من ضيقته مخرج .. وظيفة دخلها معقول .. يمشـّي الحال لو اعرج
ومرت سنة وسنين ..
والمسكين .. صارت كل آماله زواج
واتزاحمت في داخله الاسئلة ..
منهي اللي بتقبله ؟ .. وليه ؟
وفي يوم مامثله ابد .. شافها .. اجمل من اجمل مارأى
واضحكتله ... مستحيل !! ...اضحكتله
ومشت من اول الحارة .. ولحقها
وادخلت في بيت جاره ..
سأل عنها وعرف ... قنوعة واسمها سارة
تصير اخت لمرة جاره
ارسل لها اخته . تجس النبض
جت البشاير
راح لمه .. وفرحته كبر السما والأرض
وافقت !! . ابشرك يمه .. لقيتها يمه
سارة اخت حصة مرت منصور ..
ابيها وهي تبيني . وابغى منك الشور
خلاص يا يمه خلاص .. بقول لهمومي الوداع .. بقول لهمومي الوداع
قالتله امه :
يا ولدي .. بس هذي اختك في الرضاع


اتمنى ان اعجبتكم الكلمات



ولا تنسوني بالردود

المعالي
03-07-2010, 12: AM
شـكــ وبارك الله فيك ـــرا لك ... لك مني أجمل تحية .

سواح
03-07-2010, 03: AM
راقت لنا كثيرا يعطيك العافيه

أبو صقر
03-07-2010, 05: AM
دائما الأمير عبد الرحمن بن مساعد ما يضفي على قصائدة
شيئا من الكوميديا كهذه القصيدة والجمال والروعة كا البرواز وغيرها ....

هلما
03-07-2010, 12: PM
شـكــ وبارك الله فيك ـــرا لك ... لك مني أجمل تحية .

أبو زياد
03-07-2010, 12: PM
شـكــ وبارك الله فيك ـــرا لك ... لك مني أجمل تحية .

مَـلآك إْلـرُوح
03-07-2010, 08: PM
يسلموو بارك الله فيك

وطني شموس
04-07-2010, 03: AM
بارك الله طرحك ودام عطائك ..

حربي وكلي وفا
04-07-2010, 06: PM
ألـــــــــــــــــــــف
شــــــــــــكــــــــر
نـــــــورتـــواا
الــــــمــووضـوع