المساعد الشخصي الرقمي


مشاهدة النسخة كاملة : ماجور ياللي فالحنايا تعليت



فايز ال محيسن
24-01-2011, 06: AM
السلام عليكم ورحمة الله وبركاته

/

/

هذي القصيده من بوح قلمي واتمنا ان تنال رضاكم ولاتحرموني ردودكم

/


ماجور ياللي فالحنايا تعليت = اضحى مقامك فوق ومركزك سامي
انت الوحيد اللي لقلبي استحليت = من يوم عينك صوبت بالسهامي
اصبتني فالقلب لاكنك احييت = حبً في قلبي من قبل فالعدامي
مثل البدر نصف الشهر يوم طليت = أجليت عن عيني سواد الظلامي
ويامرحبابك كل ماجيت سليت = سيفك على همومي بكلمة سلامي
يفز لك قلبي ليا مني اوحيت = صوتك يضيع وش اقول فكلامي
ماغير اردد قول سبحان سويت = حوريةً تلبس عبايا ولثامي
في صورتك كل ماتمعنت سميت = بسم الله الرحمن بدرً تمامي
ياسيدي وش عاد باقي وخليت = فيك الحلى من هامتك للبهامي
الموت كل الموت كان انت فليت = جدايلك مثل اليالي العتامي
عينك كعين الحر ليا منكْ لديت = تسلب فؤادي وترتجفلك عظامي
ماني بخايف منك ولآ يوم ذليت = ويشهد على ماقول سلت حسامي
من زينكم رجفت عظامي ولاوعيت = لك الوله والشوق وكل احترامي
الصدر لك منزال والقلب لك بيت = واسمي على لسانك من احلى الأسامي
وياوجد حالي كان عني تغليت = تضحى لي الدنيا ظلام وعسامي
ماقدر على فرقاك لو يوم لثيت = الصدر يصبح من ولهكم حطامي
ارجوك ياخلي ليا منكْ اقفيت = لآ تترك جروحك تسبب الأمي
داوي جروحك كان في طبها ازريت = روحت في يدها وعلّي السلامي




وسلامتكم

البرضاوي
24-01-2011, 02: PM
حقيقه قصيده جميله جدا اخي فايز
صح لسانك -لاعدمـــناك00

أبو صقر
24-01-2011, 02: PM
صح لسانك ... ألف شكر ....

النبراس
24-01-2011, 03: PM
فعلا شاعر مبدع وشخصية لايمل الجلوس معها
وفقك الله والى الامام دائما ان شاء الله

الصيدلاني
24-01-2011, 04: PM
شـكــ وبارك الله فيك ـــرا لك ... لك مني أجمل تحية .

الجندي المجهول
24-01-2011, 07: PM
موفق بإذن الله ... لك مني أجمل تحية .

الشاعر حمدان المالكي
25-01-2011, 01: AM
صح لسانك
بيض الله وجهك
شاعر مبدع
وفقك الله
تحياتي

بحرالابداع
26-01-2011, 11: PM
صح لسانك شاعرنا

لا عدمنا ابداعك

الشاعر محمد الحربي
01-02-2011, 01: PM
صح لسانك قليلة في حقك ..فعلاً مبدع

فايز ال محيسن
05-02-2011, 02: PM
صحت ابدانكم ملياررررررررر

وشكرا على المرور الرائع

ولاخلى ولاعدم منكم