المساعد الشخصي الرقمي


مشاهدة النسخة كاملة : مأت .. إلجمـر



بقايا جروح
25-03-2011, 04: AM
مات الجمر وقلوب الاحباب حية



والموت لا ماتت قلوب الحبايب



ياشيشتي لو فيـك ذنب وخطية



معاك احس اني عن الناس غايب



العام كانو لي من الاصحاب مية



وقت الرخا لكن جفوا بالنوايب



لاهنت ياقلب شكى من خوية



كم راس من طعنات الاصحاب شايب



مرات اقول ان الخبل ياهنية



ولقيتهم يشكون ظلم القرايب



ومرات اقول النذل لارحم حية



واثري النذل في بعض الاوقات صايب



يانفس شيليها على السامرية



شيلة طرب ماعاد فيها طلايب



وش لي بتنبية القلوب العمية



وحنا بهالدنيا دروب وركايب



ابتغزل في هذيك البنية



بنت تفل القلب فل الذوايب



كم بعثرتني واجمعتني هنية



بنفس المكان اللي جمعنا غرايب



مرباعها بين العيون الشقية



ومقيضها بين الجروح العطايب



ياضعفها معهم وعندي قوية



منها غدى ثلثين قلبي خرايب



ماقول يذبح زينها بس هية



تلفت لها عود(ن) عن الحب تايب



ولا اقول مغرورة ولا هي خلية



فيها دلع طفل تبناة شايب



جمال نجد وفتنة حايلية



وش جمع الثنتين فيها عجايب



اليا اقبلت بين حسنات وسية



ياكثر ذنبي بين طيب وغصايب



واليا ادبرت في دمعتين ندية



قلب(ن) معاها وقلب في الصدر ذايب



راح العمر مابين روحة وجية



ياكثر غلطاتي ولانيب تايب



شب الجمر مادام الاشواق حية



وطف العتب والعمر ضحك ومصايب

الرادار
25-03-2011, 06: AM
جمال نجد وفتنة حايلية

وش جمع الثنتين فيها عجايب

سعدا بتواجدك وباطلالتك اخي همت بك

ابونايف
25-03-2011, 02: PM
الف شكراخي 000000000

الربعي
25-03-2011, 07: PM
شـكــ وبارك الله فيك ـــرا لك ... لك مني أجمل تحية .

البروجي
26-03-2011, 02: AM
موفق بإذن الله ... لك مني أجمل تحية .

الشاعر محمد الحربي
26-03-2011, 07: AM
مات الجمر وقلوب الاحباب حية



والموت لا ماتت قلوب الحبايب

عبدالمحسن
26-03-2011, 07: AM
ياكثر غلطاتي ولانيب تايب

شب الجمر مادام الاشواق حية

راقت لي,,,بارك الله فيك