المساعد الشخصي الرقمي


مشاهدة النسخة كاملة : تعال وسمع وش قيل عن القهوة العربيه



*ابوهديل تبوك*
22-01-2009, 11: PM
السلام عليكم ورحمة الله وبركاته

تقهو واسمع وش يقول الامير راكان بن فلاح ال حثلين

يامحلا الفنجال مع سيحة البال

في مجلساً مافيه نفساً ثقيلـه

هذا ولدعمً وهذا ولـد خـال

وهذا رفيقـاً مالقينـا مثيلـه



ويقول الشاعر محمد بن عبدالعزيز القحطاني وهو يوصي ابنه

يابو محمد شب واقضب مكاني

في غيبتي قهو الرجال المشاكيل


وفل الحجاج لكل من جاك عاني

وابدا التحيه قبل سوق الفناجيل


ويقول شاعر من قبيلة مطير واسمه شليويح وهو يوصي ابنه نمر

امل الوجار وخلو الباب مفتوح

خوف المسير يستحي ماينادي

يانمر مافي صكة الباب مصلوح

ولاهي لهلكم يامظنـة فـؤادي


ويقول خلف بن هذال شاعر عتيبه

سوولي الكيف وارهو لي من الدله

البن الأشقر يداوي الراس فنجالـه

كيف لنا نحرقـه بالنـار وانزلـه

واليا انقطع لو ورى صنعاء عنيناله

ويقول الشاعر ابن خشم الذيب العجمي

اشرب الفنجال واكب البيالـه

طيباً واحـب سلـم الطيبينـي


الولد ان طاب طيبه من خواله

وان تردا فاعرف انهم خايبيني


ويقول الشاعر دغيم الظلماوي من قبيلة شمر

ياكليب شب النار ياكليب شبه

عليك شبه والحطب لك ايجابي

وعلي انا ياكليب هيله وحبـه

وعليك تقليط الدلال النجابـي

ويقول الامير راكان بن فلاح ال حثلين اثناء اسره
في تركيا (يصف حالته)

يابوهلا صرنا سوات الدراويش

والكل منا خبزته فـي يمينـه

لا عاد به دله ولا عاد به عيش

ولا عاد به فطحة خروفاً سمينة

ويقول الشاعر الامير محمد بن احمد السديري

يابجاد شب النار وادن الدلالـي

واحمس لنا يابجاد ما يقعد الراس

ويقول احد الشعراء

الدله اللي ماتبهر من الهيـل

مثل العجوز اللي خبيثاً نسمها


ويقول الشاعر ناصر بن عبدالكريم من اهل سدير

خمسة عشر فنجال لحنيف صبيت

لو ان بطنـه قربـةً قـد ملاهـا

فرد عليه الشاعر حنيف بن سعيدان المطيري وقال

لا تحسبني من دلالـك تقهويـت

قللت في طبخهـا وكثـرت ماهـا
ياموصي الحرمه على صكت البيت

تقول منتـه فيـه وانتـه وراهـا







منقول

ابوعبدالرحمن
23-01-2009, 12: AM
شـكــ وبارك الله فيك ـــرا لك ... لك مني أجمل تحية .

الساهر
23-01-2009, 12: AM
بارك الله فيك
أخوي العزيز00

الرهوان
23-01-2009, 12: AM
مشكور اخوي

الحربي
23-01-2009, 02: AM
يعطيك العافية اخوي ابو هديل على هذا الموضوع

مسفر
29-01-2009, 06: PM
اختيارات جميله

طير حوران
01-02-2009, 09: PM
بارك الله فيك روعه حفضك الله

البرضاوي
01-02-2009, 10: PM
اختيار موفق اخي الكريم
بارك الله فيك

العامر
03-02-2009, 12: AM
نقل جميل تشكرعليه