المساعد الشخصي الرقمي


مشاهدة النسخة كاملة : الحســــايف



عبدالله الطلحي
08-09-2012, 01: PM
يا مريض القلب مالـك عـلاج إلا السمـاح
السماح علاج موصوف لأمـراض القلـوب

والحسد والبغض والله هـي السـم الذحـاح
فتكها في العالم اشـد مـن فتـك الحـروب

لوترى الدنيا غـدت نهـب بيديـن الشحـاح
لاتحسف دام الإنسـان لـه رزق محسـوب

الحسايف يوم تصحـى وتلقـى العمـر راح
مابقـى إلا مثـل ريـشٍ تقفّتـه الهـبـوب

ماصحيت إلا على الشيب في عارضـك لاح
أشرقت شمسه وشمسك على وقت الغـروب

والحسايف يوم ليلـك يطـول بـلا صبـاح
لين تنسى كـل امانيـك واحلامـك تـذوب

ثم يوم النور يطلـع علـى الحـزم البـراح
وإن وجهك متجه شـام واحلامـك جنـوب

والحسايف يوم تتعب علـى غيـرالصـلاح
تبذل المجهـود ويضيـع بطـوال الـدروب

وأنت راعي صدق والصدق ماحقـق نجـاح
كلما تصدق بحاجـه يفـوز بهـاالكـذوب

في زمانٍ ضيّع الجـد فـي بحـرالمـزاح
ماتحصل مـن كثيـر الكـلام إلا الذنـوب

لاتضيّع حكمة الصمـت إذا كثـرالصيـاح
واترك العالم يروحون صوب وروح صوب

وانظر بعين البصيـره تـرى الدنيـا كفـاح
ماتشـوف إلا معـارك وغالـب ومغلـوب

كل مافي الأرض من خف وإلا مـن جنـاح
كلهـم شـارد وطـارد وسالـم ومعطـوب

والطيور تطير في الجـو تحملهـاالريـاح
لكن طيور اللحـم تاكـل طيـورالحبـوب

والبشر فيهم هجومـي ولـو مالـه سـلاح
وفيهم اللي ساعة الجد ماهر فـي الهـروب

وفيهم اللي يـوم تقفـي يسـدد لـك رمـاح
ويوم تقبل يبتسـم لـك وطيـب ومحبـوب

في زمانك وين تلقى القلوب اللـي صحـاح
والمصالح تحكم الناس راضـي ومغصـوب

عندهـم تـرك العوايـد تـقـدم وإنفـتـاح
والصداقه عندهم لبس ثـوب وخلـع ثـوب

لـو بدايتهـا محـبـه نهايتـهـا جــراح
وانشد اللي عاش بيـن القبايـل والشعـوب

إختبرت النـاس بالسـر ليـن السـر بـاح
وإختبرت وجيه الأصحاب واعطوني الجنوب

كم صديقٍ كان في العين ومن العيـن طـاح
يوم جاء وقت الصداقه وميقـاف الوجـوب

أشهد إن الجود كالطيـب لـو تخفيـه فـاح
واشهد إن البخل عيبٍ مـن كبـارالعيـوب

والطمع سارق يضوّي السرايق في المـراح
والفقر نهاب يدخـل يدينـه فـي الجيـوب

والسعيد اللي قنـع مـن زمانـه وإستـراح
وإنتبـه قـدام تلعـب بـه الدنيـا اللعـوب

لو صبر صبر الجوازي عن العـد القـراح
خيـر مـن دنيـا تغـره وعنهـا مايتـوب

البرضاوي
08-09-2012, 01: PM
اخي عبد الله
قصيده جميله جدا
بارك الله فيك وفي جهدك00

الناعس
08-09-2012, 02: PM
صح لسانك اخي عبد الله
قصيده رائعه الف شكر

الالمعي
08-09-2012, 03: PM
يعطيك العافية اخوووي على الابداع الغير مستغرب

ابونايف
08-09-2012, 04: PM
بارك الله فيك اخي الشاعر

الشيخ موسى محمد
08-09-2012, 07: PM
بارك الله فيك وفي جهدك00

الوردي
08-09-2012, 08: PM
شكرا جزيلا والى الامام

المنادي
08-09-2012, 08: PM
كم صديقٍ كان في العين ومن العيـن طـاح
يوم جاء وقت الصداقه وميقـاف الوجـوب

أشهد إن الجود كالطيـب لـو تخفيـه فـاح
واشهد إن البخل عيبٍ مـن كبـارالعيـوب

الهويدي
08-09-2012, 08: PM
ابداع وتميز واضح لاهنت اخووي

الهويدي
09-09-2012, 10: PM
الف شكر اخووي......

السـاهر
10-09-2012, 11: AM
وفقك الله والى الامام

القاضي
24-09-2012, 11: PM
صح لسانك اخي عبدالله
والى الامام